ស្វាចាប់ក្មេងស្រីអាយុ ៣ ឆ្នាំ លាក់លើដើមឈើនៅ ចិន ទម្រាំរកឃើញចំណាយពេលរាប់ម៉ោង

ក្មេងស្រីអាយុ ៣ ឆ្នាំម្នាក់ត្រូវបានស្វាចាប់យកទៅលាក់លើដើមឈើនៅទីក្រុង Liupanshui ក្នុងខេត្ត Guizhou កាលពីថ្ងៃទី២១ តុលា ប៉ុន្តែព័ត៌មាននេះទើបតែផ្សព្វផ្សាយប៉ុណ្ណោះ ។

ឪពុកក្មេងស្រីត្រកូល Liu បានឲ្យដឹងថា ខ្លួននិងម្ដាយ ទៅចម្ការដើម្បីធ្វើការ ទើបទុកកូនស្រីចោលឲ្យនៅក្រោមដើមឈើ ។ មិនយូរប៉ុន្មានលោក Liu ក៏បាត់កូន ហើយអ្នកទាំង ២ ភ័យជាខ្លាំងដល់ថ្នាក់ប្ដឹងប៉ូលិសតែម្ដង ។

ភ្លាមៗនោះ ប៉ូលិសក្នុងតំបន់បានចល័តក្រុមមួយ ដើម្បីស្វែងរកក្មេងដែលបាត់ខ្លួន ។ ទម្រាំរកឃើញ ពួកគេចំណាយពេលអស់ជាង ២ ម៉ោងឯណោះ ។

ក្មេងស្រីរងគ្រោះត្រូវបានគេរកឃើញលើដើមឈើកម្ពស់ ៣០ ម៉ែត្រ ក្នុងតំបន់សម្បូរស្វាព្រៃ ហើយនាងក៏មានស្នាមម្រាមដៃស្វាលើខ្លួនបន្តិចបន្តួចដែរ ។

ដោយសាររកកូនស្រីឃើញវិញ លោក Liu បានអរគុណប៉ូលិស និងអ្នកភូមិចំពោះការជួយចេញពីចិត្ត ។ ហេតុនេះហើយ លោក​ប្រធាន​​ភូមិ​នឹងរៀបចំឲ្យមានការ​ចុះ​ល្បាត​ជា​ប្រចាំ​នៅ​ជិត​ភូមិ ដើម្បី​ធានា​សុវត្ថិភាព​ជូន​ប្រជាពលរដ្ឋទៀតផង ៕

ប្រែសម្រួល៖ វារី

ប្រភព៖ asianone

ចុចអាន៖ ស្វាមួយក្បាល​ធ្វើ​ដំណើរ​ ​៤០ ​គីឡូម៉ែត្រ ​ដើម្បី​ចូលរួម​​បុណ្យសព​បុរស​ដែលធ្លាប់ឲ្យចំណីវានៅ​ឥណ្ឌា