សិស្សនៅ ចិន ប្រតាយប្រតប់ជាមួយគ្រូ យកទូរស័ព្ទដែលគ្រូចាប់ក្នុងម៉ោងរៀនមកវិញ

កាលពីថ្ងៃទី៩ ខែតុលា នៅមហាវិទ្យាល័យវិជ្ជាជីវៈខ្ពស់មួយក្នុងទីក្រុង Guangdong មានសិស្សចិនអាយុ ១៥ ឆ្នាំម្នាក់ប្រតាយប្រតប់ជាមួយគ្រូ ដើម្បីយកទូរស័ព្ទរបស់ខ្លួនដែលគ្រូចាប់មកវិញ ។

បើតាមប្រព័ន្ធផ្សព្វផ្សាយចិនបានឲ្យដឹងថា ដោយសារក្មេងប្រុសនោះលេងហ្គេមក្នុងម៉ោងសិក្សា ទើបគ្រូចាប់ទូរស័ព្ទ រួចបន្តការបង្រៀន ។ ដោយសារខឹងនឹងគ្រូពេក សិស្សប្រុសនោះក៏ទៅទាញទូរស័ព្ទវិញ ថែមទាំងប្របាច់កគ្រូ ២ ដងទៀតផង ។

មិត្តរួមថ្នាក់នាំគ្នាភ្ញាក់ផ្អើល ហើយអ្នកខ្លះបានមកជួយទាញគ្នាចេញ និងឃាត់ឃាំងមិនឲ្យទៅវាយគ្រូពួកគេបន្តផងដែរ ។

ទោះបីជាយ៉ាងណាក៏ដោយ សាលាគ្រាន់តែប្រាប់ថា បញ្ហាត្រូវបានដោះស្រាយហើយ ប៉ុន្តែការដាក់ទោស ឬពិន័យមិនបញ្ជាក់ឲ្យដឹងទេ ៕

ប្រែសម្រួល៖ វារី

ប្រភព៖ asianone

ចុចអាន៖ អ្នកគ្រូចិនបង្ខំក្មេងប្រុសអាយុ ៦ ឆ្នាំឲ្យញ៉ាំកម្អួតខ្លួនឯងវិញ បន្ទាប់ពីក្អួតដាក់ក្នុងថ្នាក់