ព័ត៌មានអន្ដរជាតិ
អ៊ីស្រាអែល វាយប្រហារលើជំរំជនភៀសខ្លួននៅហ្គាហ្សា សម្លាប់មនុស្សរាប់សិបនាក់
មន្ត្រីសុខាភិបាលប៉ាឡេស្ទីននិយាយថា ជនជាតិប៉ាឡេស្ទីនយ៉ាងតិច៥០នាក់ ត្រូវបានសម្លាប់នៅពេលអ៊ីស្រាអែល បើកការវាយប្រហារអាកាសលើជំរំជនភៀសខ្លួន ដែលមានមនុស្សកកកុញនៅភាគខាងជើងតំបន់ហ្គាហ្សាកាលពីថ្ងៃអង្គារទី៣១ខែតុលា។ ការវាយប្រហារនេះ ក៏ត្រូវបានបញ្ជាក់ពីសំណាក់ភាគីអ៊ីស្រាអែលផងដែរ។
អ្នកនាំពាក្យយោធាអ៊ីស្រាអែល លោកវរសេនីយ៍ទោ Richard Hecht បានបញ្ជាក់ពីការវាយប្រហារលើជំរំ Jabalia នេះទៅកាន់ CNN ហើយនិយាយថា ខ្លួនមានគោលដៅសម្លាប់មេបញ្ជាការជាន់ខ្ពស់របស់ក្រុមហាម៉ាស់នៅក្នុងតំបន់នោះ។ លោកបន្ថែមថា “យើងកំពុងពិនិត្យមើលរឿងនេះ ហើយយើងនឹងផ្តល់ព័ត៌មានលម្អិត នៅពេលយើងដឹងច្បាស់ពីអ្វីដែលបានកើតឡើងនៅទីនោះ”។
មន្ត្រីនៅមន្ទីរពេទ្យឥណ្ឌូណេស៊ីក្នុងតំបន់ហ្គាហ្សានិយាយថា ក្រៅពីមនុស្សស្លាប់ ក៏មានជនជាតិប៉ាឡេស្ទីន១៥០នាក់ទៀតត្រូវរបួសផងដែរ។
យោធាអ៊ីស្រាអែល បានចោទប្រកាន់ក្រុមហាម៉ាស់ ដែលគ្រប់គ្រងទឹកដីឆ្នេរសមុទ្រតូចចង្អៀតនេះថា កំពុងប្រើប្រាស់អគារស៊ីវិលធ្វើជាខែលការពារក្រុមប្រយុទ្ធ មេបញ្ជាការ និងអាវុធ ប៉ុន្តែការចោទប្រកាន់បែបនេះ ត្រូវបានក្រុមហាម៉ាស់បដិសេធ។
តាមសេចក្តីថ្លែងការណ៍របស់ក្រុមហាម៉ាស់ មានមនុស្សស្លាប់និងរបួស៤០០នាក់រួចទៅហើយនៅក្នុងទីក្រុង Jabalia ដោយសារតែការប្រយុទ្ធគ្នារវាងក្រុមសកម្មប្រយុទ្ធហាម៉ាស់ និងទាហានអ៊ីស្រាអែល។
សូមបញ្ជាក់ ទីក្រុង Jabalia ជាកន្លែងទទួលគ្រួសារជនភៀសខ្លួនពីសង្គ្រាមជាមួយអ៊ីស្រាអែល ចាប់តាំងពីឆ្នាំ១៩៤៨មកម្ល៉េះ៕
ប្រែសម្រួល៖ Vann Vann
ប្រភព៖ CNA
ចុចអាន៖ ក្រុមហាម៉ាស់ បញ្ចេញវីដេអូ ចំណាប់ខ្មាំងស្តីបន្ទោសរដ្ឋាភិបាលអ៊ីស្រាអែល ពេញៗមាត់
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា