ទីបំផុត ភាគីមួយទៀត ចូលរួមជាផ្លូវការក្នុងសង្គ្រាម អ៊ីស្រាអែល-ហាម៉ាស់

រដ្ឋាភិបាល Houthi នៅទីក្រុង សាណា នៃប្រទេសយេម៉ែនបាននិយាយកាលពីថ្ងៃអង្គារទី៣១ខែតុលាថា ខ្លួនបានបាញ់បង្ហោះដ្រូន និងមីស៊ីលប្រឆាំងអ៊ីស្រាអែល ដើម្បីគាំទ្រប៉ាឡេស្ទីន ហើយនឹងបន្តធ្វើដូច្នេះតទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ទោ Yahya Saree អ្នកនាំពាក្យកងកម្លាំងប្រដាប់អាវុធយេម៉ែន និយាយថា “កងកម្លាំងប្រដាប់អាវុធរបស់យើង បានបាញ់បង្ហោះកាំជ្រួចបាលីស្ទិក និងកាំជ្រួចផ្លោងជាច្រើនគ្រាប់ ព្រមទាំងដ្រូនមួយចំនួនធំផងដែរ ទៅកាន់គោលដៅផ្សេងៗរបស់សត្រូវ”។

លោកបន្តថា ការបាញ់កាលពីថ្ងៃអង្គារ គឺជាប្រតិបត្តិការលើកទីបី ក្នុងការគាំទ្របងប្អូនរបស់យើងដែលត្រូវគេជិះជាន់នៅប៉ាឡេស្ទីន។ យោធា Houthi នឹងបន្តវាយប្រហារប្រកបដោយគុណភាពបន្ថែមទៀត ជាមួយមីស៊ីលនិងដ្រូន រហូតដល់អ៊ីស្រាអែល បញ្ឈប់ការឈ្លានពាន។

យេម៉ែន​ធ្វើ​យុទ្ធនាការ​នេះ​ដោយ​សារ​ស្មារតី​សាសនា សីលធម៌ មនុស្សធម៌ និង​ទំនួល​ខុស​ត្រូវ​ជាតិ ហើយ​ដើម្បី​ឆ្លើយ​តប​នឹង​ការ​ទាមទារ​របស់​ប្រជាជន​យេម៉ែន​ និង​ការ​ទាមទារ​របស់​ប្រជាជន​សេរី និង​ដើម្បី​ផ្តល់​ការ​សង្គ្រោះ​ដល់​ប្រជាជន​ដែល​ត្រូវ​បាន​គេ​ជិះជាន់​នៅ​តំបន់ ហ្គាហ្សា។ ជំហររបស់ប្រជាជនយេម៉ែន ចំពោះបញ្ហាប៉ាឡេស្ទីន គឺរឹងមាំនិងច្បាស់លាស់ ហើយប្រជាជនប៉ាឡេស្ទីន មានសិទ្ធិពេញលេញដើម្បីការពារខ្លួន ក្នុងការស្វែងរកសិទ្ធិស្របច្បាប់ពេញលេញ។

គួររម្លឹកឡើងវិញថា ថ្មីៗនេះ យោធាអ៊ីស្រាអែល បានដាក់ពង្រាយកងទ័ពជើងគោក ទៅកាន់តំបន់ហ្គាហ្សា បន្ទាប់ពីមានការបាញ់កាំភ្លើងធំ និងការវាយប្រហារតាមផ្លូវអាកាសអស់រយៈពេលជាច្រើនសប្តាហ៍ ជាការសងសឹកដល់ក្រុមសកម្មប្រយុទ្ធប៉ាឡេស្ទីន ដែលទទួលខុសត្រូវចំពោះការលុកលុយថ្ងៃទី៧ខែតុលា៕

ប្រែសម្រួល៖ Vann Vann

ប្រភព៖ RT

ចុចអាន៖ អ៊ីស្រាអែល វាយប្រហារលើជំរំជនភៀសខ្លួននៅហ្គាហ្សា សម្លាប់មនុស្សរាប់សិបនាក់