ព័ត៌មានអន្ដរជាតិ
ប្រមុខណាតូ ថា មិនត្រូវឲ្យជម្លោះ អ៊ីស្រាអែល-ប៉ាឡេស្ទីន រីកធំក្នុងតំបន់ឡើយ
អគ្គលេខាធិការអង្គការណាតូ លោក Jens Stoltenberg បាននិយាយកាលពីថ្ងៃអង្គារថា ការប្រយុទ្ធគ្នារវាងអ៊ីស្រាអែល និងប៉ាឡេស្ទីន មិនត្រូវឲ្យរីករាលដាល ឬពង្រីកឲ្យទៅជាជម្លោះទ្រង់ទ្រាយធំនៅក្នុងតំបន់ដូចសង្គ្រាមរុស្ស៊ី និងអ៊ុយក្រែននោះទេ ។
លោកបាននិយាយនៅឯកិច្ចប្រជុំក្រុមប្រឹក្សា Nordic លើកទី ៧៥ ក្នុងទីក្រុង Oslo ប្រទេសន័រវេសថា “យើងមិនត្រូវបោះបង់ចោលការងារសម្រាប់រកដំណោះស្រាយសន្តិភាពនយោបាយយូរអង្វែងចំពោះជម្លោះមួយនេះនោះទេ ជាពិសេសសន្តិភាពតែងតែអាចធ្វើទៅបាន” ។
ពាក់ព័ន្ធនឹងជម្លោះនៅតំបន់ហ្គាហ្សាស្ទ្រីបនេះដែរ លោក Stoltenberg បានគូសបញ្ជាក់ថា “រឿងនេះមិនគួរធ្វើឲ្យសមត្ថភាពដោះស្រាយ ក៏ដូចជាការគាំទ្ររបស់អង្គការណាតូទៅលើប្រទេសអ៊ុយក្រែនដែលក៏កំពុងជាប់ដៃធ្វើសង្គ្រាមជាមួយរុស្ស៊ីដែរនោះ ចុះអន់ខ្សោយនោះទេ” ។
លោក Stoltenberg បានកត់សម្គាល់ថា សម្ព័ន្ធមិត្តណាតូនៅតែបន្តផ្តល់ជំនួយដ៍សាហាវទៅឲ្យអ៊ុយក្រែន បើទោះបីជាពេលនេះមានការប្រយុទ្ធគ្នារវាងអ៊ីស្រាអែល និងក្រុមប្រដាប់អាវុធប៉ាឡេស្ទីនហាម៉ាស់ក៏ដោយ ព្រោះប្រសិនបើអ៊ុយក្រែនមិនអាចការពារខ្លួនបានទេនោះ រុស្ស៊ីនឹងកាន់កាប់អ៊ុយក្រែន ហើយនោះមិនមែនជាសន្តិភាពឡើយ ។
គួរបញ្ជាក់ថា ភាពតានតឹងថ្មីដែលបានផ្ទុះឡើងនៅមជ្ឈិមបូព៌ាបានអូសបន្លាយពេលជិត ១ ខែទៅហើយ បន្ទាប់ពីក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែលចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី៧ ខែតុលា ដោយបានសម្លាប់មនុស្សជាង ១,៥០០ នាក់ ដែលភាគច្រើនជាជនស៊ីវិល ។
ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សជាង ៨,៥០០ នាក់ និងជាង ២១,០០០ នាក់រងរបួស ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ បេសកជន ប៉ាឡេស្ទីន ប្រចាំ UN ៖ “ឥឡូវនេះតំបន់ហ្គាហ្សាជាឋាននរកនៅ លើផែនដី”
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ