ទីបំផុត ក្រុមហាម៉ាស់ បើកច្រកព្រំដែន ឲ្យអ្នករបួសនិងជនបរទេស ចាកចេញពីហ្គាហ្សា

នៅទីបំផុត ក្រុមហាម៉ាស់ បានយល់ព្រមបើកច្រកព្រំដែន Rafah ហើយ ក្រោយមានការសម្របសម្រួលពីប្រទេសកាតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជាលើកដំបូង ដែលច្រកព្រំដែន Rafah ត្រូវបានបើក ចាប់តាំងពីក្រុមហាម៉ាស់ បើកការវាយប្រហារលើប្រទេសអ៊ីស្រាអែល កាលពីថ្ងៃទី៧ខែតុលាមក។

បន្ទាប់ពីទ្វារត្រូវបានបើក គេអាចមើលឃើញមនុស្សយ៉ាងច្រើនកកកុញ កំពុងរង់ចាំនៅច្រកព្រំដែនហ្គាហ្សា ដើម្បីចូលទៅក្នុងប្រទេសអេហ្ស៊ីប។

មុននេះ គេក៏បានមើលឃើញរថយន្តសង្គ្រោះបន្ទាន់ជាច្រើនគ្រឿងតម្រៀបជួរគ្នា រង់ចាំដឹកអ្នកជំងឺពីតំបន់ហ្គាហ្សា ចូលទៅក្នុងប្រទេសអេហ្ស៊ីបដើម្បីព្យាបាលផងដែរ។

តាមព័ត៌មានបឋម មានជនជាតិប៉ាឡេស្ទីនរបួសប្រហែល៩០នាក់ និងជនបរទេស៤៥០នាក់ ដែលត្រូវអនុញ្ញាតឲ្យចាកចេញតំបន់ហ្គាហ្សានាពេលនេះ៕

ប្រែសម្រួល៖ Vann Vann

ប្រភព៖ Al​ Jazeera, BBC

ចុចអាន៖ អ៊ីស្រាអែល ថាឲ្យ បូលីវី ដល់ៗ ក្រោយកាត់ផ្តាច់ចំណងទាក់ទង