ព័ត៌មានអន្ដរជាតិ

ថៃបង្ក្រាបទីតាំងអ៊ីនធឺណែតដ៏ធំមួយកន្លែង ដែលភាគហ៊ុនខ្មែរ ថៃ លបបើកក្បែរព្រំដែនប៉ៃលិន

បានផុស

៤ years មុន

នៅ

ថ្ងៃអាទិត្យ ៧ កុម្ភៈ ២០២១

ដោយ

ប្រទេសថៃ ៖ ទីតាំងល្បែងអ៊ីនធឺណែត តាមរយៈអនឡាញ ដ៏ធំមួយកន្លែង ដែលមានទីតាំងក្បែរច្រកព្រំដែនថៃ កម្ពុជា ត្រូវបានកម្លាំងជំនាញថៃធ្វើការបង្ក្រាប ដោយដកហូតបានសម្ភារៈពាក់ព័ន្ធជាច្រើនផងដែរ បន្ទាប់ពីមានការរុះរើចេញពីទឹកដីកម្ពុជា លបចូលទៅបើកនៅក្នុងទឹកដីថៃវិញ ដោយសារតែកូវីដ-ទើបធ្វើអោយភគីថៃមិនអាចឆ្លងដែនចេញមកលេងបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីកម្លាំងជំនាញបានស្រាវជ្រាវច្បាស់ការ ព្រមទាំងបានសុំដីកាឆែកឆេរលំនៅឋានរួចមក ទើបកម្លាំងចាប់ផ្តើមបើកកិច្ចប្រតិបត្តិការ និង បានធ្វើឡើងកាលពីល្ងាចថ្ងៃទី ៥ ខែកុម្ភៈ ឆ្នាំ ២០២១ នៅចំណុច « បានផាកាត » ជិតច្រកអន្តរជាតិព្រំ ក្នុងខេត្តប៉ៃលិន ស្ថិតក្នុងភូមិ ៤ ឃុំខ្លងយ៉ៃ ស្រុកពោងណាំរ៉ន ខេត្តច័ន្ទបុរី។

នៅក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនមនុស្ស ( ភាគច្រើនជាយុវវ័យ ) ចំនួន ៣៤ នាក់ ក្នុងនោះស្រី ១៧ នាក់ ព្រមទាំងបានដកហូត កុំព្យូទ័រ ចំនួន ៦៩ គ្រឿង និងទូរសព្ទដៃ ចំនួន ១០១ គ្រឿង ហើយសមត្ថកិច្ចបានរកឃើញនូវទឹកប្រាក់ដែលសម្រាប់បង្វិលលើការលែងល្បែងអ៊ីនធឺណែតនេះ មានរហូតដល់ជាង ១ ០០០ លានបាត។

តម្រួតថៃបានបង្ហើបថា ការលបបើកទីតាំងបនល្បែងភ្នាល់តាមអនឡាញនេះ គឺមានភាគហ៊ុនខ្មែរ ថៃ ដែលទើបតែរុះរើមកពីទឹកដីកម្ពុជា មកលបបើកក្បែរព្រំដែន ក្នុងទឹកដីថៃវិញ បន្ទប់ពីមានការបិទច្រកព្រំដែនដោយសារកូវីដ ដូច្នេះហើយបានជាពួកគេឆ្លងមកបើកបែបនេះ វាជាការងាយស្រួលដល់ក្រុមយុវវ័យរបស់ថៃ អាចចូលលែងបាន ដោយមិនចាំបាច់ឆ្លងដែន ។ ដោយឡែកម្ចាស់បន គឺត្រូវចាប់ខ្លួនបាន តែជនជាតិថៃប៉ុណ្ណោះ ដែលមានឈ្មោះ សៀប៉ូ ពោធិ អាណុន ហើយបច្ចុប្បន្នបានបញ្ជូនខ្លួនទៅសាកសួរហើយ ដើម្បីប្រគល់ទៅតុលាការ ក្នុងការអនុវត្តតាមផ្លូវច្បាប់៕

ដោយ ៖ សោ និយមរ័ត្ន