ប្រភពយោធា៖ អ៊ីស្រាអែល បុកទម្លាយខែលការពារជួរមុខរបស់ក្រុមហាម៉ាស់ បានសម្រេចហើយ

អ្នក​នាំពាក្យ​យោធា​​អ៊ីស្រាអែល​និយាយ​ថា ដោយ​មាន​ការគាំទ្រ​ពី​ផ្លូវអាកាសនិង​សមុទ្រ ​ឥឡូវនេះ កងទ័ព​បាន​ទម្លុះខែលការពារ​ជួរមុខ​របស់​ក្រុម ហាម៉ាស់ នៅ​ភាគខាងជើង​តំបន់ ហ្គាហ្សា ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ មេបញ្ជាការ​អ៊ីស្រាអែល​ម្នាក់​​និយាយ​ថា កងកម្លាំង​អ៊ីស្រាអែល កំពុងស្ថិត​នៅ​ច្រក​ទ្វារ​នៃ​ទីក្រុង ហ្គាហ្សា រួចទៅហើយ។

យោងតាមអឌ្ឍចន្ទក្រហមប៉ាឡេស្ទីន, ការផ្ទុះនិងគ្រាប់ផ្លោង អាចត្រូវបានគេឮពេញមួយយប់នៅក្នុងទីក្រុងហ្គាហ្សា រួមទាំងនៅជិតមន្ទីរពេទ្យ al-Quds ផងដែរ។

មុននេះ អ៊ីស្រាអែលក៏ប្រកាសផងដែរថា កងកម្លាំងអ៊ីស្រាអែល បានសម្លាប់មេបញ្ជាការក្រុមហាម៉ាស់ម្នាក់ទៀត ក្នុងការវាយប្រហារលើកទីពីរទៅលើជំរំជនភៀសប៉ាឡេស្ទីន។

តាមការឲ្យដឹងពីកងកម្លាំងការពារអ៊ីស្រាអែល (IDF), លោក Muhammad A’sar ដែលជាប្រធានអង្គភាពកាំជ្រួចប្រឆាំងរថក្រោះរបស់ក្រុមឥស្លាមនិយមមួយនេះ ត្រូវបានសម្លាប់ដោយប្រើយន្តហោះចម្បាំង៕

ប្រែសម្រួល៖ Vann Vann

ប្រភព៖ BBC

ចុចអាន៖ UN ថា ការ វាយ ប្រហារ របស់ អ៊ីស្រាអែល លើ ជំរំ ជន ភៀស ខ្លួន គឺជា អំពើសាហាវព្រៃផ្សៃ