អាវុធនុយក្លេអ៊ែរថ្មីរបស់អាមេរិក អាចសម្លាប់មនុស្ស ៣០ម៉ឺននាក់ នៅទីក្រុងមូស្គូ

សារព័ត៌មាន Newsweek បានរាយការណ៍កាលពីថ្ងៃសុក្រថា គ្រាប់បែកនុយក្លេអ៊ែរថ្មីរបស់អាមេរិកដែលគ្រោងអភិវឌ្ឍដោយមន្ទីរបញ្ចកោណ មានសក្តានុពលក្នុងការកម្រិតកណ្តាលក្នុងទីក្រុងមូស្គូ និងអាចសម្លាប់មនុស្សជាង ៣០០​ ០០០នាក់ ក្នុងចំណោមប្រជាជន ១៣ លាននាក់របស់ខ្លួន។

មន្ទីរបញ្ចកោណបានប្រកាសកាលពីចុងខែមុនថា ខ្លួននឹងស្វែងរកការបំរែបំរួលថ្មីនៃគ្រាប់បែកទំនាញនុយក្លេអ៊ែរ B61 ដែលមានឈ្មោះថា B61-13 និងរង់ចាំការអនុញ្ញាតពីសភា។ អាវុធនេះនឹងមានទិន្នផលប៉ាន់ស្មាន ៣៦០ គីឡូតោន ខ្លាំងជាងអាវុធដែលបានទម្លាក់លើទីក្រុងហ៊ីរ៉ូស៊ីម៉ា ២៤ ដងក្នុងកំឡុងសង្គ្រាមលោកលើកទីពីរ។

Newsweek បាននិយាយទៀតថា ប្រសិនបើបំផ្ទុះលើទីក្រុងមូស្គូ គ្រាប់បែកនេះនឹងសម្លាប់មនុស្សប្រមាណ ៣១១,៤៨០ នាក់ និងរបួសរហូតដល់ ៨៦៨,៨៦០ នាក់។ ការបោះពុម្ភផ្សាយបានបន្ថែមថា ប្រសិនបើធ្លាក់នៅលើផ្លូវ St. Petersburg ដែលជាទីក្រុងធំជាងគេទីពីររបស់ប្រទេសរុស្ស៊ី ចំនួនអ្នកស្លាប់ដោយការផ្ទុះនឹងកើនឡើងដល់ ៣៦០១៥០នាក់។

លើសពីនេះទៀត ទស្សនាវដ្ដីដដែលបានសរសេរថា ការបំផ្ទុះនេះនឹងបំផ្លាញអគារនានា ហើយទំនងជាសម្លាប់មនុស្សទាំងអស់ក្នុងចម្ងាយមួយម៉ាយល៍ ខណៈពេលដែលអ្នកដែលស្ថិតនៅចម្ងាយពីរម៉ាយពីកន្លែងបំផ្ទុះនឹងស្លាប់ក្នុងរយៈពេលមួយខែ ដោយសារកម្រិតវិទ្យុសកម្មខ្ពស់ ហើយ១៥% ទៀតនៃអ្នកនៅរស់រានមានជីវិតក្រោយមកនឹងស្លាប់ដោយសារជំងឺមហារីក ចំណែកឯមនុស្សជាច្រើននឹងទទួលរងការរលាកដែលអាចផ្លាស់ប្តូរជីវិតបាន។

ផែនការរចនាអាវុធប្រល័យលោកថ្មីត្រូវបានបង្ហាញចំពេលមានភាពតានតឹងរវាងរុស្ស៊ី និងណាតូជុំវិញអ៊ុយក្រែន ខណៈដែលអ្នកជំនាញ អ្នកនយោបាយ និងប្រព័ន្ធផ្សព្វផ្សាយបានពិភាក្សាគ្នាអំពីហានិភ័យនៃជម្លោះដែលធ្លាក់ចូលទៅក្នុងសង្គ្រាមនុយក្លេអ៊ែរ។​ ចំណែករុស្ស៊ីវិញ បានចោទប្រកាន់សហរដ្ឋអាមេរិកពី ភាពទន់ខ្សោយនុយក្លេអ៊ែរ ហើយបានអះអាងថា ខ្លួនកំពុងបំពានលើកិច្ចព្រមព្រៀងគ្រប់គ្រងអាវុធដោយសម្ងាត់។ ទន្ទឹមនឹងនោះ លោក ពូទីន បានសង្កត់ធ្ងន់ថា រុស្ស៊ីនឹងមិនធ្វើតេស្ដនុយក្លេអ៊ែរទេ លុះត្រាតែអាមេរិកធ្វើវាជាមុនសិន៕

ប្រែសម្រួល៖ សាង ស្រីល័ក្ខ

ប្រភព៖ RT

ចុចអាន៖អាមេរិក ត្រៀមផលិតអាវុធនុយក្លេអ៊ែរថ្មី ដែលខ្លាំងជាងគ្រាប់បែកទម្លាក់នៅ ហ៊ីរ៉ូស៊ីម៉ា ២៤ដង