ព័ត៌មានអន្ដរជាតិ
ប៉ូលិសក្រុងហូជីមិញ បំបែកសម្បុករត់ពន្ធ iPhone ពីកម្ពុជា យកទៅលក់នៅ វៀតណាម
ប៉ូលិសនៅទីក្រុងហូជីមិញ បានឃាត់ខ្លួនសមាជិកពីរនាក់នៃក្រុមមួយដែលរត់ពន្ធឧបករណ៍អេឡិចត្រូនិចរាប់ម៉ឺនគ្រឿង រួមទាំងស្មាតហ្វូន កុំព្យូទ័រយួរដៃ និងថេបប្លេត តម្លៃជាង១២លានដុល្លារពីប្រទេសកម្ពុជា។

ភ្នាក់ងារប៉ូលិសស៊ើបអង្កេត បានរាយការណ៍កាលពីថ្ងៃអាទិត្យទី៥ខែវិច្ឆិកាថា ប៉ូលិសក្រុង បានអនុវត្តនីតិវិធីដើម្បីកាត់ទោសបុរសក្នុងតំបន់ពីរនាក់ឈ្មោះ Ngo Tan Dat អាយុ ៤២ ឆ្នាំ និង Nguyen Van Giang អាយុ ៣៧ ឆ្នាំ ក្រោមការចោទប្រកាន់ពីបទរត់ពន្ធ។
ទោះបីជាយ៉ាងណាក៏ដោយ ពួកគេត្រូវបានចាប់ខ្លួនតាំងតែពីថ្ងៃព្រហស្បតិ៍ទី២ខែវិច្ឆិកាឯណោះ ពោលគឺមួយសប្តាហ៍បន្ទាប់ពីប៉ូលិសក្នុងតំបន់ ចាប់បាន Giang ដែលរៀបចំដឹកជញ្ជូនប្រអប់ស្នោមានលាក់ទុកទូរស័ព្ទដៃដោយគ្មានឯកសារ ទៅកាន់ឃ្លាំងមួយក្នុងសង្កាត់៨នៃទីក្រុង។

ប៉ូលិសបានរឹបអូសយកទូរស័ព្ទខុសច្បាប់ និងនាំ Giang ទៅកាន់ឃ្លាំង ហើយនៅទីនោះអាជ្ញាធរ បានរកឃើញទូរស័ព្ទ iPhone ចំនួន៣៩៤៨គ្រឿង ថេបប្លេត៣គ្រឿង ឧបករណ៍ GPS ២០គ្រឿង និងកុំព្យូទ័រយួរដៃ១គ្រឿង ដែលសុទ្ធតែគ្មានឯកសារ។
បន្ទាប់ពីការផ្តល់សក្ខីកម្មរបស់ Giang ប៉ូលិសក្នុងតំបន់ក៏ឈានទៅដល់ការឃាត់ខ្លួន Dat ដែលដឹកនាំក្រុមទិញនិងដឹកជញ្ជូនឧបករណ៍អេឡិចត្រូនិចខុសច្បាប់ពីប្រទេសកម្ពុជា ទៅកាន់ទីក្រុងហូជីមិញ ដើម្បីលក់ចាប់ពីខែធ្នូឆ្នាំ២០២១មកម្ល៉េះ។
លោក Dat បានសារភាពថា បក្សពួករបស់គាត់ មានម្នាក់រស់នៅក្នុងប្រទេសកម្ពុជា ខណៈពេលនេះ ប៉ូលិសវៀតណាម កំពុងតាមដាន៕
ប្រែសម្រួល៖ Vann Vann
ប្រភព៖ Tuoi Tre
ចុចអាន៖ អ្នកប្រើប្រាស់ iPhone 15 រៀបរាប់ពីបញ្ហាឆេះអេក្រង់ ឡើងកម្ដៅ និងឆាប់អស់ថ្ម

-
ព័ត៌មានអន្ដរជាតិ១៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?