ព័ត៌មានអន្ដរជាតិ

នាវាមុជទឹកនុយក្លេអ៊ែរអាមេរិក ទៅដល់តំបន់មជ្ឈិមបូព៌ាហើយ

បានផុស

១ year មុន

នៅ

ថ្ងៃចន្ទ ៦ វិច្ឆិកា ២០២៣

ដោយ

ទីបញ្ជាការកណ្តាលរបស់សហរដ្ឋអាមេរិក (CENTCOM) ដែលទទួលបន្ទុកបញ្ហាតំបន់មជ្ឈិមបូព៌ា និយាយថា នាវាមុជទឹកនុយក្លេអ៊ែរថ្នាក់ Ohio បានទៅដល់តំបន់នោះហើយ។

ដោយសំអាងលើប្រភពពី CENTCOM, CNN រាយការណ៍នៅថ្ងៃចន្ទទី៦ខែវិច្ឆិកាថា នាវាមុជទឹកនេះ បានឆ្លងកាត់ក្រោមស្ពាន Al Salam ក្នុងព្រែកជីក ស៊ុយអែស ភាគឦសានទីក្រុង គែរ។

នាវាមុជទឹកនុយក្លេអ៊ែរថ្នាក់ Ohio របស់សហរដ្ឋអាមេរិក (រូបថត៖ Military)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

CNN បន្តថា សេចក្តីប្រកាសនេះគឺមិនធម្មតាទេ ព្រោះយោធាអាមេរិកកម្រនឹងប្រកាសពីចលនា ឬប្រតិបត្តិការនាវាមុជទឹកមីស៊ីលផ្លោងបែបនេះណាស់ ហើយថា ការបញ្ជូននាវាមុជទឹកទៅកាន់មជ្ឈិមបូព៌ាគឺដើម្បីទប់ស្កាត់ការកើនឡើងនៃសង្រ្គាម និងផ្ញើសារច្បាស់ៗដើម្បីកម្លាចដល់បច្ចាមិត្ត។

ស្របពេលជាមួយគ្នានោះ ក្រុមអ្នកវិភាគជឿថា ការប្រកាសជាសាធារណៈមិនធម្មតាអំពីទីតាំងរបស់នាវាមុជទឹកនុយក្លេអ៊ែរនេះ អាចជាសាររបស់សហរដ្ឋអាមេរិក ព្រមានទៅដល់ប្រទេសអ៊ីរ៉ង់ និងបក្សពួករបស់ខ្លួន។

សូមបញ្ជាក់ លើកចុងក្រោយដែលសហរដ្ឋអាមេរិកបង្ហាញនាវាមុជទឹកមីស៊ីលផ្លោងនៅមជ្ឈិមបូព៌ា គឺកាលពីមួយឆ្នាំមុន ដោយពេលនោះឧត្តមសេនីយ៍ Michael Kurilla មេបញ្ជាការនៃបញ្ជាការកណ្តាលរបស់សហរដ្ឋអាមេរិក បានធ្វើដំណើរចេញពីរដ្ឋ West Virginia៕

ប្រែសម្រួល៖ Vann Vann

ប្រភព៖ Aljazeera, Korea Post

ចុចអាន៖ មេទ័ពអ៊ីរ៉ង់ ចេញមុខព្រមានវាយប្រហារខ្លាំងក្លា លើសហរដ្ឋអាមេរិក