ព័ត៌មានអន្ដរជាតិ
រុស្ស៊ី៖ លោកខាងលិច កំពុងរុញតំបន់មជ្ឈិមបូព៌ា ឲ្យធ្លាក់ចូលគែមនៃ សង្គ្រាមធំ
រដ្ឋមន្ត្រីការបរទេសរុស្ស៊ី បាននិយាយកាលពីថ្ងៃចន្ទទី៦ខែវិច្ឆិកាថា លោកខាងលិច កំពុងរុញតំបន់មជ្ឈិមបូព៌ា ឲ្យធ្លាក់ចូលគែមនៃ “សង្រ្គាមធំ” ដែលនឹងនាំឲ្យមានការកើនឡើងនៃអំពើភេរវកម្ម និងលំហូរជនភៀសខ្លួន។
![](https://www.kampucheathmey.com/wp-content/uploads/2023/11/image-516-1024x768.png)
លោក Sergey Lavrov បាននិយាយក្នុងកិច្ចពិភាក្សាអំឡុងពិព័រណ៍ និងវេទិកាអន្តរជាតិរុស្ស៊ីនៅទីក្រុងមូស្គូថា “ឥឡូវនេះ យើងឃើញពីរបៀបដែលក្រុមប្រទេសសេរី កំពុងជំរុញមជ្ឈិមបូព៌ាឆ្ពោះទៅរកសង្រ្គាមដ៏ធំមួយ”។
លោក Lavrov បន្តថា វិធីសាស្ត្រដែលលោកខាងលិចប្រើនេះ គឺលាតត្រដាងឲ្យឃើញយ៉ាងច្បាស់ក្រឡែត នៅក្នុងប្រទេសអ៊ុយក្រែន អ៊ីរ៉ាក់ លីប៊ី និងស៊ីរី។ លទ្ធផលផ្សេងទៀតនៃគោលនយោបាយបែបនេះ គឺជាការកើនឡើងនៃអំពើភេរវកម្មនិងភាពជ្រុលនិយម គ្រួសារដែលត្រូវបានបំផ្លាញនិងលំហូរជនភៀសខ្លួនរាប់លាននាក់។
លោក Lavrov ក៏បានកត់សម្គាល់ផងដែរថា វិធីសាស្រ្តដែលសហរដ្ឋអាមេរិក និងបក្សពួករបស់ពួកគេកំពុងប្រើប្រាស់ រួមទាំងការប៉ុនប៉ងសាបព្រួសភាពវឹកវរនៅក្នុងផ្នែកផ្សេងៗនៃពិភពលោកផងដែរនោះ បានបណ្តាលឲ្យប្រទេសនិងប្រជាជាតិនានាប្រឆាំងនឹងគ្នាទៅវិញទៅមក ហើយបង្កើនភាពតានតឹងផ្នែកជាតិសាសន៍ និងសាសនា។
មិនត្រឹមប៉ុណ្ណឹង មុននេះ មន្ត្រីជាន់ខ្ពស់នៅទីក្រុងមូស្គូ ក៏ចោទប្រកាន់លោកខាងលិចថា កំពុងរៀបចំផែនការដើម្បីបំផ្លាញនិងបំបែកប្រទេសរុស្ស៊ីផងដែរ ដោយនិយាយថា ប្លុកនេះកំពុងដើរតាមគន្លងរបស់មេដឹកនាំណាស៊ី Adolf Hitler៕
ប្រែសម្រួល៖ Vann Vann
ប្រភព៖ TASS, Press TV, Anadolu
ចុចអាន៖ រុស្ស៊ី ថា លោកខាងលិច មានបំណងពង្រីកជម្លោះយោធាបច្ចុប្បន្ន មកកាន់តំបន់អាស៊ីប៉ាស៊ីហ្វិក
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច