ព័ត៌មានអន្ដរជាតិ
អ៊ីស្រាអែលទុកពេល ៤ម៉ោងឱ្យជនស៊ីវិលភៀសខ្លួនចេញពីហ្គាហ្សា
ក្រោយឡោមព័ទ្ធហ្គាហ្សាបានទាំងស្រុង អ៊ីស្រាអែលបានទុកឱកាសឱ្យជនស៊ីវិលដែលជាប់នៅក្នុងទីក្រុងចាកចេញឱ្យទាន់ពេល ខណៈអ្នកដែលរត់គេចខ្លួននិយាយថាពួកគេបានឆ្លងកាត់រថក្រោះនៅតាមផ្លូវជាហូរហែ។
បន្ទាប់ពីកងកម្លាំងរបស់អ៊ីស្រាអែលបានឡោមព័ទ្ធទីក្រុងហ្គាហ្សា កាលពីប៉ុន្មានថ្ងៃមុន ពេលនេះពួកគេបានទុកពេលឱ្យប្រជាជនរយៈពេល ៤ម៉ោង ដើម្បីភៀសខ្លួនពីទីក្រុង ដើម្បីឱ្យពួកគេត្រៀមខ្លួនរួចជាស្រេចក្នុងការវាយលុកក្រុមហាម៉ាសអ៊ីស្លាម ដែលបានវាយប្រហារទីក្រុងអ៊ីស្រាអែលកាលពីមួយខែមុន។
សង្គ្រាមបានចាប់ផ្តើមនៅថ្ងៃទី ៧ ខែតុលា នៅពេលដែលក្រុមអ្នកប្រយុទ្ធបានផ្ទុះឡើងនៅទូទាំងរបងជុំវិញតំបន់ហ្គាហ្សា និងបានសម្លាប់ជនជាតិអ៊ីស្រាអែល ១,៤០០នាក់ ដែលភាគច្រើនជាជនស៊ីវិល និងបានចាប់ពង្រត់មនុស្សជាង ២០០នាក់។ ចាប់តាំងពីពេលនោះមក អ៊ីស្រាអែលបានវាយលុកតំបន់ហ្គាហ្សាដោយការវាយប្រហារទៅក្រុមហាម៉ាស ប៉ុន្តែវាបានបណ្ដាលឱ្យមនុស្សជាង ១ម៉ឺននាក់ស្លាប់។
យ៉ាងណាមិញ នៅព្រឹកថ្ងៃអង្គារ អ៊ីស្រាអែលបានបើកផ្លូវមនុស្សធម៌ឲ្យអ្នកស្រុក ចាប់ពីម៉ោង ១០:០០ ព្រឹក ដល់ម៉ោង ២:០០ រសៀល ដើម្បីចាកចេញពីទីក្រុងហ្គាហ្សា។ ក្រោយចាកចេញដោយជោគជ័យ អ្នកស្រុកប្រាប់អ្នកសារព័ត៌មានថា រថក្រោះអ៊ីស្រាអែលបាននិងកំពុងធ្វើសកម្មភាគនៅពេលយប់ ដោយកងកម្លាំងអ៊ីស្រាអែលភាគច្រើនពឹងផ្អែកលើការវាយប្រហារតាមអាកាស និងកាំភ្លើងធំ៕
ប្រែសម្រួល៖ សន្យា
ប្រភព៖ Reuters
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា