រុស្ស៊ី អំពាវនាវឲ្យក្រុមប្រឹក្សាសន្តិសុខ UN កោះប្រជុំបន្ទាន់ ពាក់ព័ន្ធការវាយប្រហាររបស់អ៊ុយក្រែន នៅ Donetsk

ទីក្រុងមូស្គូ បានស្នើសុំឲ្យមានកិច្ចប្រជុំវិសាមញ្ញនៃក្រុមប្រឹក្សាសន្តិសុខអង្គការសហប្រជាជាតិ ដើម្បីដោះស្រាយការវាយប្រហាររបស់អ៊ុយក្រែនលើទីក្រុង Donetsk។ នេះបើតាមការបញ្ជាក់ពីឯកអគ្គរដ្ឋទូតរងរុស្ស៊ីប្រចាំអង្គការសហប្រជាជាតិ លោក Dmitry Polyansky។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃអង្គារទី៧ខែវិច្ឆិកា ទីក្រុងរុស្ស៊ីមួយនេះ ត្រូវទទួលរងការវាយប្រហារដោយមីស៊ីលជាច្រើនគ្រាប់ ដែលបាញ់ដោយកងកម្លាំងទីក្រុងកៀវ ជាហេតុបណ្តាលឲ្យមានការខូចខាតយ៉ាងធ្ងន់ធ្ងរដល់ទីតាំងហេដ្ឋារចនាសម្ព័ន្ធស៊ីវិលសំខាន់ៗមួយចំនួន។

មិនត្រឹមប៉ុណ្ណឹង មនុស្សយ៉ាងតិច២០នាក់ ត្រូវបានសម្លាប់ក្នុងការវាយប្រហារនោះ ខណៈមន្ត្រីក្នុងតំបន់រំពឹងថា តួលេខនឹងកើនឡើងជាបន្តទៀត។

លោក Polyansky បាននិយាយក្នុងសេចក្តីថ្លែងការណ៍មួយលើឆានែល Telegram ថា “យើងបានស្នើឲ្យរៀបចំកិច្ចប្រជុំបើកចំហជាបន្ទាន់ នៃក្រុមប្រឹក្សាសន្តិសុខអង្គការសហប្រជាជាតិទាក់ទងនឹងការវាយប្រហារ ដោយទីក្រុងកៀវ លើទីក្រុង Donetsk”។

តាមការបញ្ជាក់ពីមេដឹកនាំសាធារណរដ្ឋប្រជាមានិត Donetsk លោក Denis Pushilin, ការវាយប្រហារដោយប្រព័ន្ធបាញ់គ្រាប់រ៉ុកកែតពហុមុខងារ HIMARS ផលិតដោយសហរដ្ឋអាមេរិកនៅលើទីក្រុងនេះ បានកើតឡើងជាបីដំណាក់កាល។

ការវាយប្រហារ បានកំណត់គោលដៅលើទីតាំងហេដ្ឋារចនាសម្ព័ន្ធស៊ីវិលចំនួន៤ និងបង្កការខូចខាតយ៉ាងដំណំ ដល់អគារនាយកដ្ឋានការងារ និងសន្តិសុខសង្គមក្នុងតំបន់។

លោក Pushilin រាយការណ៍ថា អគារលំនៅដ្ឋានជាច្រើន និងមន្ទីរពេទ្យមួយកន្លែង ក៏រងការខូចខាតដោយសារមីស៊ីលផងដែរ៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី៖ មេដឹកនាំលោកខាងលិច ដឹងច្បាស់ហើយថា អ៊ុយក្រែន កំពុងលួចលុយពួកគេ