ប្រទះឃើញលលាដ៍ក្បាល​មនុស្ស​មែនទែន ​ក្នុង​កន្លែង​តាំងបុណ្យ Halloween នៅរដ្ឋ Florida

អ្នកនរវិទូបានរកឃើញការពិតដ៏គួរឲ្យខ្លាចមួយ គឺលលាដ៍ក្បាលដែលគេតាំងក្នុងបុណ្យ Halloween នៃហាងសប្បុរសធម៌នៅរដ្ឋ Florida សហរដ្ឋអាមេរិក គឺជារបស់មនុស្សពិតមែន ។

ភ្ញៀវហាងសប្បុរសធម៌នោះបានរាយការណ៍ទៅប៉ូលិសថា លលាដ៍ក្បាលហាក់ដូចជាញញឹមដាក់មនុស្សគួរឲ្យខ្លាចជាងវត្ថុតាំងធម្មតា ។ ជាការចៃដន្យ គាត់ជាអ្នកនរវិទូដែលសិក្សាពីមនុស្សស្រាប់ ទើបអាចបែងចែកដាច់រវាងលលាដ៍ក្បាលមនុស្សពិត និងសិប្បនិម្មិត ។

ពាក់ព័ន្ធនឹងបញ្ហានេះដែរ ម្ចាស់ហាងបានបកស្រាយថា លលាដ៍ក្បាលមនុស្សមានស្រាប់នៅក្នុងឃ្លាំងមួយដែលគាត់ទិញកាលពីប៉ុន្មានឆ្នាំមុន ដូច្នេះគាត់មិនមានពាក់ព័ន្ធនឹងវត្តមានរបស់វាទេ ។

យ៉ាងណាមិញ ប៉ូលិសស៊ើបអង្កេតកំពុងស្រាវជ្រាវរកប្រភព និងមូលហេតុនៃការស្លាប់របស់លលាដ៍ក្បាលនោះហើយ ដើម្បីឲ្យច្បាស់ថាមិនមែនជាអំពើឃាតកម្ម ៕

ប្រែសម្រួល៖ វារី

ប្រភព៖ skynews

ចុចអាន៖ បុរស នីហ្សេរីយ៉ា ៥ នាក់ ជីកយកលលាដ៍ក្បាលមនុស្សទៅធ្វើពិធីផ្លូវងងឹត ដើម្បីបន់ស្រន់ឲ្យក្លាយជាអ្នកមាន