បុរសថៃម្នាក់ចែករំលែកបទពិសោធន៍ សត្វទាកចូលភ្នែក និងរបៀបបេះវាចេញ សម្រាប់អ្នកដើរព្រៃ

កាលពីថ្ងៃទី៦ ខែវិច្ឆិកា មានបុរសជនជាតិថៃម្នាក់បានចែករំលែកបទពិសោធន៍ សត្វទាកចូលភ្នែក ហើយបឺតឈាមក្បែររន្ធទឹកភ្នែក នៅលើ Facebook ។

លោកបានឲ្យដឹងថា ពេលរៀបនឹងថតរូបទេសភាពដើមឈើ សត្វទាកនោះកំពុងពួននៅក្នុងកាមេរ៉ារបស់មិត្តភ័ក្ដិគាត់ស្រាប់ ហើយលោតចូលភ្នែកបានសម្រេចនៅគ្រាដែលគាត់ឱនថតរូបនោះឯង ។ ទម្រាំតែបេះវាចេញ ពួកគេប្រើពេលជាង ៣០ នាទីឯណោះ ថែមទាំងក្រហមភ្នែកទៀតផង ។

ក្រោយមក បុរសជនជាតិថៃដដែលធ្វើការពិភាក្សាជាមួយអ្នកជំនាញហើយដឹងថា អ្នកដើរព្រៃគួរតែត្រៀមអំបិល ឬទឹកអំបិលដើម្បីបេះទាកចេញពេលវាទាមបានឆាប់រហ័ស និងងាយស្រួល ។

មែនទែនទៅ របួសដោយសារទាកទាមមិនបង្កគ្រោះថ្នាក់ដល់ជីវិតទេ ប៉ុន្តែអ្នកត្រូវសម្អាតរបួសឲ្យបានត្រឹមត្រូវ និងឃាត់ឈាមបន្ទាប់ពីបេះវាចេញរួចរាល់ ៕

ប្រែសម្រួល៖ វារី

ប្រភព៖ asianone

ចុចអាន៖ ចង់ដើរព្រៃ ដឹងទេ អ្នកដើរព្រៃត្រូវចេះប្រើប្រាស់ទឹកដូចម្ដេច ទើបអាចរស់បាន?