G7 ចេញសេចក្តីថ្លែងការណ៍រួម ស្តីពីសង្គ្រាមអ៊ីស្រាអែល-ហាម៉ាស

នៅថ្ងៃពុធទី៨ខែវិច្ឆិកា មេដឹកនាំក្រុមប្រទេស G7 បានជួបប្រជុំគ្នានៅទីក្រុងតូក្យូ សម្រាប់កិច្ចប្រជុំដែលគ្របដណ្ដប់ដោយបញ្ហាសង្គ្រាមអ៊ីស្រាអែល-ហាម៉ាស។

រដ្ឋមន្ត្រីការបរទេស រួមទាំងលោក Antony Blinken នៃសហរដ្ឋអាមេរិកផងដែរ បានចេញសេចក្តីថ្លែងការណ៍រួមមួយ ដោយថ្កោលទោសក្រុមហាម៉ាស ហើយដូចការរំពឹងទុកអ៊ីចឹង ពួកគេបានគាំទ្រសិទ្ធិការពារខ្លួនរបស់អ៊ីស្រាអែល និងអំពាវនាវឲ្យមាន “ការផ្អាកបាញ់មនុស្សធម៌”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍នោះ ប្រជាជាតិនានា ក៏បានជំរុញឲ្យមាន “សកម្មភាពជាបន្ទាន់” ដើម្បីជួយជនស៊ីវិលនៅក្នុងទឹកដីប៉ាឡេស្ទីន ដែលត្រូវឡោមព័ទ្ធផងដែរ។

រដ្ឋមន្ត្រីការបរទេសមកពីសហរដ្ឋអាមេរិក ចក្រភពអង់គ្លេស កាណាដា បារាំង អាល្លឺម៉ង់ ជប៉ុន និងអ៊ីតាលី និយាយថា ពួកគេគាំទ្រការផ្អាកបាញ់មនុស្សធម៌ ដើម្បីជួយសម្រួលដល់ការផ្តល់ជំនួយជាបន្ទាន់ ជួយដល់ការបន្លាស់ទីរបស់ជនស៊ីវិល និងការដោះលែងចំណាប់ខ្មាំង។

លើសពីនេះ មេដឹកនាំបានបន្ថែមថា “យើងសូមអំពាវនាវឲ្យអ៊ីរ៉ង់ កុំផ្តល់ការគាំទ្រដល់ក្រុមហាម៉ាស និងចាត់វិធានការបន្ថែមទៀត ធ្វើឲ្យស្ថានការណ៍នៅមជ្ឈិមបូព៌ាធូរស្រាល រួមទាំងឈប់គាំទ្រដល់ក្រុមហេសបូឡា របស់លីបង់ និងតួអង្គមិនមែនរដ្ឋផ្សេងទៀត ហើយប្រើប្រាស់ឥទ្ធិពលរបស់ខ្លួនជាមួយក្រុមទាំងនោះ ដើម្បីកាត់បន្ថយការកើនឡើងភាពតានតឹង នៅក្នុងតំបន់”៕

ប្រែសម្រួល៖ Vann Vann

ប្រភព៖ SKY

ចុចអាន៖ អាមេរិក ព្រមាន អ៊ីស្រាអែល ប្រឆាំង ការ កាន់កាប់ តំបន់ហ្គាហ្សា សាជាថ្មី