ព័ត៌មានអន្ដរជាតិ
ទឹកជំនន់នៅអាហ្វ្រិក សម្លាប់ប្រជាជនសូម៉ាលី ២៩នាក់
ទីភ្នាក់ងារគ្រប់គ្រងគ្រោះមហន្តរាយជាតិនិយាយនៅថ្ងៃពុធ ទី៨ ខែវិច្ឆិកាថា ទឹកជំនន់ដ៏អាក្រក់បំផុតបានវាយប្រហារប្រទេសសូម៉ាលី បណ្ដាលឱ្យមនុស្សចំនួន ២៩នាក់ស្លាប់ និងបង្ខំប្រជាជនជាង ៣០០,០០០នាក់ ភៀសខ្លួនចេញពីផ្ទះ។
![](https://www.kampucheathmey.com/wp-content/uploads/2023/11/image-668.png)
ពេលនេះអាជ្ញាធរបាននិងកំពុងព្យាយាមជួយសង្គ្រោះមនុស្សរាប់ពាន់នាក់ដែលជាប់គាំងដោយសារទឹកជំនន់ ខណៈប្រទេសសូម៉ាលីធ្លាប់ជួបគ្រោះរាំងស្ងួតដ៏អាក្រក់បំផុត ក្នុងរយៈពេល ៤០ឆ្នាំមកហើយ។
លោក Hassan Isse នាយកគ្រប់គ្រងនៃទីភ្នាក់ងារគ្រប់គ្រងគ្រោះមហន្តរាយសូម៉ាលី (SOMDA) បាននិយាយថា “អ្វីដែលកំពុងកើតឡើងនាពេលបច្ចុប្បន្ននេះគឺអាក្រក់បំផុតក្នុងរយៈពេលច្រើនទសវត្សរ៍មកនេះ ហើយវាអាក្រក់ជាងកាលទឹកជំនន់ឆ្នាំ ១៩៩៧ ទៅទៀត” ។ លោក Hassan Isse បន្ថែមថា ចំនួនអ្នកស្លាប់ និងចំនួនមនុស្សផ្លាស់ទីលំនៅទំនងជាកើនឡើងបន្ថែមទៀត ដោយសារតែមនុស្សជាច្រើនបានជាប់គាំងដោយសារទឹកជំនន់។
![](https://www.kampucheathmey.com/wp-content/uploads/2023/11/image-667.png)
ដោយឡែករបាយការណ៍អង្គការសហប្រជាជាតិបានឱ្យដឹងថា យ៉ាងហោចណាស់មនុស្ស ២,២០០នាក់នៅក្នុងទីក្រុង Luuq នៃប្រទេសសូម៉ាលី ត្រូវបានកាត់ផ្តាច់ពីទីតាំងក្បែរខាង ព្រោះទឹកទន្លេបានបាក់ច្រាំង។
![](https://www.kampucheathmey.com/wp-content/uploads/2023/11/image-669-1024x682.png)
ក្រៅពីសូម៉ាលី ប្រទេសផ្សេងទៀតនៅអាហ្រ្វិកខាងកើត រួមមានកេនយ៉ា និងអ៊ុយហ្គាន់ដាក៏កំពុងប្រឈមគ្រោះទឹកជំនន់ផងដែរ ខណៈកេនយ៉ាមានមនុស្សស្លាប់ ១៥នាក់ ចំណែកផ្លូវថ្នល់ និងស្ពានជាច្រើននៅអ៊ុយហ្គាន់ដា ត្រូវបានកាត់ផ្តាច់៕
ប្រែសម្រួល៖ សន្យា
ប្រភព៖ CNA
ចុចអាន៖ ប្រទះឃើញលលាដ៍ក្បាលមនុស្សមែនទែន ក្នុងកន្លែងតាំងបុណ្យ Halloween នៅរដ្ឋ Florida
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ