រុស្ស៊ី ដាក់ចៅក្រម ICC មួយរូប ចូលក្នុងបញ្ជីតាមចាប់ខ្លួន

ក្រោយបើកការស៊ើបអង្កេតឧក្រិដ្ឋកម្ម ទៅលើមន្ត្រីជាច្រើនរូបនៅតុលាការឧក្រិដ្ឋកម្មអន្តរជាតិ (ICC), រដ្ឋាភិបាលរុស្ស៊ី ក៏បានសម្រេចចិត្តដាក់ចៅក្រមមួយរូបរបស់ស្ថាប័ននេះ ចូលទៅក្នុងបញ្ជីឈ្មោះបុគ្គលដែលខ្លួនតាមចាប់បំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងមហាផ្ទៃរុស្ស៊ី បានធ្វើបច្ចុប្បន្នភាពទិន្នន័យរបស់ខ្លួនកាលពីថ្ងៃពុធទី៨ខែវិច្ឆិកា ដោយបន្ថែមចៅក្រម ICC ឈ្មោះ Sergio Gerardo Ugalde Godinez ទៅក្នុងបញ្ជីតាមចាប់ខ្លួន ស្របតាមមាត្រានៃក្រមព្រហ្មទណ្ឌរុស្ស៊ី។

ទោះបីជាយ៉ាងណាក៏ដោយ ក្រសួង​មិន​បាន​ផ្តល់​ព័ត៌មាន​លម្អិត​ផ្សេង​ទៀត ​អំពី​ករណី​ប្រឆាំង​នឹងចៅក្រម​ជនជាតិ​កូស្តារីការូបនេះ​ទេ។

សូមរម្លឹកឡើងវិញ កាលពីខែមីនា ICC បានចេញដីកាចាប់ខ្លួនប្រធានាធិបតីរុស្ស៊ី វ្ល៉ាឌីមៀរ ពូទីន និងស្នងការទទួលបន្ទុកសិទ្ធិកុមារលោកស្រី Maria Lvova-Belova ពីបទទទួលខុសត្រូវការនិរទេសដោយខុសច្បាប់នៃកុមារអ៊ុយក្រែនទៅកាន់ប្រទេសរុស្ស៊ី។

ប៉ុន្តែវិមានក្រឹមឡាំងបានច្រានចោលដីការបស់ ICC ថាមិនត្រឹមត្រូវ ព្រោះអវត្តមាននៃការទទួលខុសត្រូវព្រហ្មទណ្ឌ និងកង្វះយុត្តាធិការ៕

ប្រែសម្រួល៖ Vann Vann

ប្រភព៖ RT

ចុចអាន៖ ប៉ាឡេស្ទីន ឲ្យតុលាការឧក្រិដ្ឋកម្មអន្តរជាតិ ICC ចេញដីកាចាប់ខ្លួនមន្ត្រី អ៊ីស្រាអែល ជុំវិញជម្លោះនៅហ្គាហ្សា