ព័ត៌មានអន្ដរជាតិ
ហាម៉ាស កំពុងចរចាជាមួយ អ៊ីស្រាអែល រឿងដោះលែងចំណាប់ខ្មាំង ជាងថ្នូរនឹងបទឈប់បាញ់
កាលពីថ្ងៃពុធទី៨ខែវិច្ឆិកា ក្រុមហាម៉ាសអះអាងថា កិច្ចចរចាជាមួយអ៊ីស្រាអែល ដើម្បីដោះលែងចំណាប់ខ្មាំងជាច្រើននាក់ រួមទាំងអាមេរិកចំនួនប្រាំមួយនាក់ ជាថ្នូរនឹងបទឈប់បាញ់រយៈពេលបីថ្ងៃ កំពុងតែដំណើរការ។

ប្រភពស្និទ្ធនឹងក្រុមនេះបញ្ជាក់ថា “ការផ្អាកបាញ់មនុស្សធម៌ រយៈពេលបីថ្ងៃ នឹងអាចឲ្យក្រុមហាម៉ាស ដោះលែងចំណាប់ខ្មាំង និងអនុញ្ញាតឲ្យជំនួយមនុស្សធម៌បន្ថែមទៀត ចូលតាមព្រំដែនអេហ្ស៊ីប”។
ការអះអាងនេះកើតឡើងបន្ទាប់ពីលេចឮព័ត៌មានថា ប្រទេសកាតា កំពុងសម្រុះសម្រួលកិច្ចចរចារវាងអ៊ីស្រាអែលនិងក្រុមហាម៉ាស សម្រាប់ការដោះលែងចំណាប់ខ្មាំងអ៊ីស្រាអែលពី១០ទៅ១៥នាក់ ជាថ្នូរនឹងបទឈប់បាញ់រយៈពេលខ្លី។
តាមប្រភពដដែល, បទឈប់បាញ់នេះនឹងមានរយៈពេលពីមួយទៅពីរថ្ងៃ ដែលក្នុងអំឡុងពេលនោះ ចំណាប់ខ្មាំងរហូតដល់ទៅ១៥នាក់ ដែលខ្មាន់កាំភ្លើងក្រុមហាម៉ាសចាប់ខ្លួនកាលពីថ្ងៃទី ៧ ខែតុលា នឹងត្រូវដោះលែងវិញ។ ប៉ុន្តែក្រោយមក ក្រុមហាម៉ាសសង្កត់ធ្ងន់ថា ចំណាប់ខ្មាំងត្រឹម១២នាក់ នឹងត្រូវដោះលែង រួមទាំងជនជាតិអាមេរិក ៦នាក់ផងដែរ ជាថ្នូរនឹងបទឈប់បាញ់រយៈពេលបីថ្ងៃ។

យ៉ាងណាក្តី ថ្វីបើកិច្ចចរចាកំពុងដំណើរការក៏ដោយ ប៉ុន្តែនាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា លោកនឹងមិនយល់ព្រមចំពោះបទឈប់បាញ់ណាមួយនោះទេ លុះត្រាតែចំណាប់ខ្មាំងទាំង២៤០នាក់ត្រូវបានដោះលែង។
លោក Netanyahu ប្តេជ្ញាថា “នឹងមិនមានបទឈប់បាញ់គ្នាឡើយ ប្រសិនបើគ្មានការវិលត្រលប់របស់ចំណាប់ខ្មាំងទេនោះ”។ លោកបន្ថែមថា ប្រតិបត្តិការជើងគោកអ៊ីស្រាអែល គឺជាផ្នែកមួយដ៏សំខាន់នៃកិច្ចខិតខំប្រឹងប្រែងដើម្បីទទួលបានចំណាប់ខ្មាំងមកផ្ទះវិញ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ អ៊ីស្រាអែល ចាប់ផ្តើមសង្គ្រាមដំណាក់កាលថ្មី ដោយកំណត់គោលដៅ ផ្លូវរូងក្រោមដីរបស់ក្រុមហាម៉ាស

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?