លោក ពូទីន បង្ហាញប្រទេសជាសម្ព័ន្ធមិត្តជិតស្និទ្ធបំផុត, មិនមែន ចិន កូរ៉េខាងជើង ក៏មិនមែន បេឡារុស

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសថា សម្ព័ន្ធនមិត្តជិតស្និទជាងគេបំផុតរបស់លោក គឺប្រទេស កាហ្សាក់ស្ថាន។

លោក ពូទីន បាននិយាយក្នុងអំឡុងកិច្ចពិភាក្សាជាមួយសមភាគីកាហ្សាក់ស្ថាន លោក Kassym-Jomart Tokayev ក្នុងទីក្រុង អាស្តាណា កាលពីថ្ងៃព្រហស្បតិ៍ទី៩ខែវិច្ឆិកាថា ទំនាក់ទំនងរវាងរុស្ស៊ី និងកាហ្សាក់ស្ថាន គឺជាគំរូដ៏ល្អនៃសម្ព័ន្ធភាពជិតស្និទ្ធ និងផ្តល់ផលប្រយោជន៍យ៉ាងច្រើនដល់ប្រជាជននៃប្រទេសទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកពូទីន អះអាងថា “យើងមិនមែនគ្រាន់តែជាសម្ព័ន្ធមិត្តប៉ុណ្ណោះទេ ប៉ុន្តែគឺជាសម្ព័ន្ធមិត្តជិតស្និទ្ធជាងគេបំផុត។ ទំនាក់ទំនងនេះ បានរីកចម្រើនក្នុងរយៈពេលជាច្រើនឆ្នាំមកហើយ”។

លោកពូទីន កំពុងបំពេញទស្សនកិច្ចនៅរដ្ឋធានីរបស់កាហ្សាក់ស្ថាន ពោលគឺជិតដប់ឆ្នាំ បន្ទាប់ពីប្រទេសទាំងពីរ ចុះហត្ថលេខាលើកិច្ចព្រមព្រៀងដ៏សំខាន់មួយ ស្តីពីទំនាក់ទំនងជិតខាង។

ស្របពេលជាមួយគ្នានោះ មេដឹកនាំទាំងពីរ បានសម្តែងក្តីសោមនស្ស ចំពោះការអភិវឌ្ឍនៃ ទំនាក់ទំនងសេដ្ឋកិច្ច ការទូត និងមនុស្សធម៌រវាងប្រទេសទាំងពីរ។

បន្ទាប់ពីកិច្ចពិភាក្សា ប្រធានាធិបតីទាំងពីរ បានចុះហត្ថលេខាលើគ្រោងការមួយ សម្រាប់សកម្មភាពរុស្ស៊ី-កាហ្សាក់ស្ថាន នារយៈពេលបីឆ្នាំខាងមុខ ក៏ដូចជាអនុស្សរណៈស្តីពីគម្រោងថាមពលរួមគ្នាផងដែរ។

សូមបញ្ជាក់ថា លោកពូទីន បានទៅដល់ទីក្រុងអាស្តាណា មួយសប្តាហ៍ បន្ទាប់ពីដំណើរទស្សនកិច្ចរបស់ប្រធានាធិបតីបារាំង Emmanuel Macron ដែលបានជ្រើសរើសប្រទេសកាហ្សាក់ស្ថាន ជាកន្លែងឈប់សំចតទីមួយ ក្នុងដំណើរទស្សនកិច្ចរបស់គាត់នៅអាស៊ីកណ្តាល៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ពូទីន នឹងបន្តកាន់តំណែង ជាប្រធានាធិបតីរុស្ស៊ី យ៉ាងតិចក៏ដល់ឆ្នាំ២០៣០ដែរ