ព័ត៌មានអន្ដរជាតិ
អាមេរិក ថា តួលេខអ្នកស្លាប់នៅហ្គាហ្សា អាចខ្ពស់ជាងសេចក្តីរាយការណ៍របស់ ប៉ាឡេស្ទីន
ចំនួនប្រជាជនប៉ាឡេស្ទីននៅតំបន់ ហ្គាហ្សា ដែលត្រូវបានសម្លាប់ក្នុងសង្គ្រាម អ៊ីស្រាអែល-ហាម៉ាស ប្រហែលជាខ្ពស់ជាង ១ ម៉ឺននាក់ មិនដូចសេចក្តីរាយការណ៍របស់ក្រសួងសុខាភិបាលក្នុងតំបន់នោះទេ។ នេះបើតាមការបញ្ជាក់ទៅសភាពី ឧបការីរដ្ឋមន្ត្រីការបរទេសសហរដ្ឋអាមេរិកទទួលបន្ទុកកិច្ចការជិតបូព៌ា លោកស្រី Barbara Leaf។

លោកស្រី Leaf ប្រាប់គណៈកម្មាធិការកិច្ចការបរទេសរបស់សភា ក្នុងអំឡុងសវនាការកាលពីថ្ងៃព្រហស្បតិ៍ទី៩ខែវិច្ឆិកាថា “ពេលមានជម្លោះនិងលក្ខខណ្ឌនៃសង្រ្គាម វាពិតជាលំបាកណាស់សម្រាប់យើងទាំងអស់គ្នា ក្នុងការវាយតម្លៃថាតើអត្រានៃអ្នកស្លាប់មានកម្រិតណា។ និយាយដោយត្រង់ យើងគិតថា តួលេខអាចខ្ពស់ជាងការលើកឡើងទៅទៀត”។
លោកស្រី Leaf បន្ថែមថា “យើងទទួលបានប្រភពពីមនុស្សផ្សេងៗគ្នា។ ខ្ញុំមិនអាចកំណត់ចំពោះតួលេខ វាខ្ពស់ជាងសេចក្តីរាយការណ៍”។
គិតត្រឹមថ្ងៃពុធទី៨ខែវិច្ឆិកា ក្រសួងសុខាភិបាលនៅតំបន់ហ្គាហ្សា បានរាយការណ៍ អំពីចំនួនមនុស្សស្លាប់សរុបពីការវាយប្រហាររបស់អ៊ីស្រាអែលថាមានចំនួន ១០៥៦៩នាក់ ក្នុងនោះរួមទាំងកុមារ៤៣២៤នាក់ផងដែរ ខណៈមនុស្ស២៦៤៧៥នាក់រងរបួស និងយ៉ាងតិច២៥៥០នាក់កំពុងបាត់ខ្លួន។
យ៉ាងណាក្តី ការអត្ថាធិប្បាយរបស់លោកស្រី Leaf ហាក់ដូចជាផ្ទុយ ពីសេចក្តីថ្លែងការណ៍កាលពីខែមុនដោយប្រធានាធិបតីអាមេរិក Joe Biden ដែលនិយាយថា លោកគ្មានទំនុកចិត្ត ចំពោះតួលេខប៉ាឡេស្ទីនទេ។ ដោយឡែក អ្នកនាំពាក្យក្រុមប្រឹក្សាសន្តិសុខជាតិ លោក John Kirby ប្រាប់អ្នកយកព័ត៌មានថា ក្រសួងសុខាភិបាលហ្គាហ្សា គឺគ្រាន់តែជាផ្នែកមួយនៃក្រុមហាម៉ាសប៉ុណ្ណោះ៕
ប្រែសម្រួល៖ Vann Vann
ប្រភព៖ RT
ចុចអាន៖ អ៊ីស្រាអែល យល់ព្រមផ្អាកបាញ់ ៤ម៉ោងក្នុងមួយថ្ងៃ នៅភាគខាងជើងតំបន់ ហ្គាហ្សា

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ