ព័ត៌មានអន្ដរជាតិ

លម្អិតលក្ខណៈពិសេសយន្តហោះខ្នាតយក្សដឹកវ៉ាក់សាំងកូវីដ ១៩ របស់យោធាចិនមកកម្ពុជា ម្សិលមិញ

បានផុស

៤ years មុន

នៅ

ថ្ងៃចន្ទ ៨ កុម្ភៈ ២០២១

ដោយ

កាលពីម្សិលមិញ យន្តហោះខ្នាតយក្សចិនបានដឹកវ៉ាក់សាំងប្រឆាំងជំងឺកូវីដ ១៩ របស់ក្រុមហ៊ុន Sinopharm មកកាន់ទឹកដីនៃព្រះរាជាណាចក្រកម្ពុជា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះនោះមានឈ្មោះថា Xi’an Y-20 គឺជាយន្តហោះដឹកជញ្ជូនយោធាធុនធ្ងន់ដំបូងបង្អស់របស់ចិន ។ យន្តហោះនេះមានសមត្ថភាពហោះហើររយៈចម្ងាយក្នុងលក្ខខណ្ឌអាកាសធាតុចម្រុះជាមួយនឹងទម្ងន់ហោះអតិបរមា ។ វាជាយន្ដហោះយុទ្ធសាស្ត្រធំបំផុតក្នុងស្រុកសម្រាប់កងទ័ពអាកាសកងទ័ពរំដោះប្រជាជនចិន (PLAAF) ។

កម្ពុជាថ្មី សូមលម្អិតលក្ខណៈពិសេសនៃយន្តហោះខ្នាតយក្សមួយនេះ ៖

ផលិតដោយក្រុមហ៊ុនឧស្សាហកម្មយន្តហោះ Xi’an (XAIC)
ផលិតឆ្នាំ ២០១៣ (ហោះហើរលើកដំបូងថ្ងៃទី ២៦ ខែមករា ឆ្នាំ២០១៣)
តម្លៃ ១៦០ លានដុល្លារអាមេរិក (ឆ្នាំ ២០១៣)
ល្បឿនហោះហើរលឿនបំផុត ៦៣០ គីឡូម៉ែត្រក្នុងមួយម៉ោង
រយៈចម្ងាយហោះហើរ ៤,៤៤៥ គីឡូម៉ែត្រ
ចម្ងាយហោះឡើង ៧៧០ ម៉ែត្រ
ចម្ងាយចុះចត ១,០០០ ម៉ែត្រ
ទម្ងន់ហោះហើរ ២២០,០០០ គីឡូក្រាម
ទម្ងន់ផ្ទុក ៦៦,០០០ គីឡូក្រាម
ប្រវែង ៤៧ ម៉ែត្រ
កម្ពស់កន្ទុយ ១៥ ម៉ែត្រ

គួររម្លឹកថា យន្តហោះធន់ Xi’an Y-20 របស់សាធារណរដ្ឋប្រជាមានិតចិនបានដឹកវ៉ាក់សាំង SARS-CoV-2 របស់ក្រុមហ៊ុនឱសថចិន Sinopharm ចំនួន ៦០ ម៉ឺនដូសមកកាន់ទឹកដីនៃព្រះរាជាណាចក្រកម្ពុជាកាលពីថ្ងៃទី ៧ ខែកុម្ភៈ ៕