ព័ត៌មានអន្ដរជាតិ
បាតុករប្រឆាំងសង្គ្រាមហ្គាហ្សា ដើរក្បួនតវ៉ា មុខផ្ទះលោក បៃដិន
កាលពីថ្ងៃសៅរ៍ទី១១ខែវិច្ឆិកា បាតុករគាំទ្រប៉ាឡេស្ទីនរាប់រយនាក់ បានប្រមូលផ្តុំគ្នានៅខាងក្រៅផ្ទះរបស់ប្រធានាធិបតីអាមេរិក ចូ បៃដិន ក្នុងរដ្ឋ Delaware ដោយថ្កោលទោសសហរដ្ឋអាមេរិក ចំពោះប្រតិបត្តិការយោធាអ៊ីស្រាអែល ប្រឆាំងនឹងក្រុមសកម្មប្រយុទ្ធហាម៉ាស នៅតំបន់ហ្គាហ្សាស្ទ្រីប ដែលឆក់យកជីវិតជនស៊ីវិលរាប់ពាន់នាក់។
បាតុករនាំគ្នាគ្រវីទង់ប៉ាឡេស្ទីនហើយស្រែកថា “សូមមានបទឈប់បាញ់ឥឡូវនេះ” និង “លោកប្រធានាធិបតី បៃដិន អ្នកមិនអាចលាក់ខ្លួនបានទេ! យើងចោទប្រកាន់អ្នកពីបទប្រល័យពូជសាសន៍!”។
ការតវ៉ានេះកើតឡើងចំពេលលោក បៃដិន កំពុងថ្លែងសុន្ទរកថានៅឯពិធីជាតិ Arlington ដើម្បីអបអរទិវាអតីតយុទ្ធជន។ លោកនិយាយក្នុងសុន្ទរកថានោះថា “សង្រ្គាមនិងជម្លោះ ការស្លាប់និងការបាត់បង់ មិនមែនជាដានប្រវត្តិសាស្ត្រអាមេរិកទេ វាជាផ្នែកនៃរឿងរ៉ាវអាមេរិក”។
រដ្ឋបាលលោកបៃដិន បានប្រឈមមុខនឹងការរិះគន់កាន់តែខ្លាំងឡើង ជុំវិញគោលជំហររបស់ខ្លួនលើសង្គ្រាមអ៊ីស្រាអែលនិងក្រុមហាម៉ាស។ បាតុកម្មគាំទ្រប៉ាឡេស្ទីនជាច្រើន បានផ្ទុះឡើងនៅជិតសេតវិមាន ក្នុងរយៈពេលប៉ុន្មានសប្តាហ៍ថ្មីៗនេះ ដោយច្រកចូលមួយនៅជិត West Wing ពោរពេញទៅដោយស្នាមបាតដៃពណ៌ក្រហមដូចឈាម និងគំនូរតាមជញ្ជាំងដែលសរសេរថា “លោក ចូ ប្រល័យពូជសាសន៍”។
ទោះបីជាសេតវិមានបានជួយចរចាការផ្អាកបាញ់ប្រចាំថ្ងៃមួយរយៈខ្លី នៅតំបន់ហ្គាហ្សា ដើម្បីអនុញ្ញាតឲ្យជនស៊ីវិលអាចជម្លៀសចេញក៏ដោយ ប៉ុន្តែលោកប្រធានាធិបតី បៃដិន បានបង្ហាញការគាំទ្រពេញទំហឹងរបស់ទីក្រុងវ៉ាស៊ីនតោន ចំពោះសិទ្ធិការពារខ្លួនរបស់អ៊ីស្រាអែល។
កាលពីថ្ងៃព្រហស្បតិ៍ លោកបាននិយាយជាថ្មីម្តងទៀតថា គ្មានលទ្ធភាពនៃបទឈប់បាញ់ពេញលេញទេ រហូតដល់អ៊ីស្រាអែលបំផ្លាញក្រុមហាម៉ាសខ្ទេចគ្មានសល់។
អ៊ីស្រាអែល បានបើកការទម្លាក់គ្រាប់បែកមិនធ្លាប់មានពីមុនមក លើតំបន់ហ្គាហ្សា ដើម្បីសងសឹកចំពោះការវាយលុករបស់ក្រុមហាម៉ាស លើទឹកដីខ្លួនកាលពីខែមុន។ មន្ត្រីអ៊ីស្រាអែលនិយាយថា ពលរដ្ឋរបស់ខ្លួនប្រហែល១២០០នាក់ ដែលភាគច្រើនជាជនស៊ីវិល បានស្លាប់នៅក្នុងការវាយប្រហារនោះ៕
ប្រែសម្រួល៖ Vann Vann
ប្រភព៖ RT
ក្រសួងការងារ និង ក្រុមហ៊ុន HONDA CARS HAKATA CO., LTD ចុះអនុស្សរណៈយោគយល់គ្នា ស្ដីពី “គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត”
លោក សុខ សប្បាយណា ចុះផ្សព្វផ្សាយអំពីព្រឹត្តិការណ៍ «សាទរកម្ពុជា» ដល់និស្សិតជិត៦រយនាក់ នៅសាកលវិទ្យាល័យភូមិន្ទភ្នំពេញ
ខេត្តកោះកុង កំពុងមានចំណាប់អារម្មណ៍ពីអ្នកវិនិយោគ និងត្រូវការកម្លាំងពលកម្មច្រើន
អ្នកនាំពាក្យ ៖ មន្ត្រីរាជការ អាចស្នើធ្វើប័ណ្ណ ប.ស.ស ជូន ប្ដី ឬ ប្រពន្ធ និង កូន ក្នុងបន្ទុក ដោយមិនបង់វិភាគទានទេ
រដ្ឋបាលសង្កាត់ភ្លើងឆេះរទេះសហការជាមួយក្រុមហ៊ុនប្រមូលសំរាមផ្លាស់ប្តូរធុងសំរាមថ្មី១៨ធុង
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
ក្រសួងមហាផ្ទៃ សម្រេចដកហូតមុខតំណែងអធិការនគរបាលស្រុកដំណាក់ចង្អើរ ឲ្យមកជាមន្ត្រីធម្មតា
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៤ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៣ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
សន្តិសុខសង្គម៥ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ