អ៊ីស្រាអែល លក់ប្រព័ន្ធការពារដែនអាកាសទៅឱ្យ ហ្វាំងឡង់

ក្រសួងការពារជាតិអ៊ីស្រាអែលបានប្រកាសកាលពីថ្ងៃអាទិត្យថា អ៊ីស្រាអែលបានចុះហត្ថលេខាលើកិច្ចព្រមព្រៀងមួយសម្រាប់ការលក់ប្រព័ន្ធការពារដែនអាកាសដ៏ធំ “David’s Sling” របស់ខ្លួនទៅឱ្យប្រទេសហ្វាំងឡង់។

លោក Eyal Zamir អគ្គនាយកនៃក្រសួងការពារជាតិអ៊ីស្រាអែលបានចុះហត្ថលេខាលើកិច្ចព្រមព្រៀងមួយសម្រាប់ការលក់ “David’s Sling” ទៅប្រទេសហ្វាំងឡង់ ដោយតម្លៃជាក់លាក់ពុំមានការបង្ហាញឡើយ ប៉ុន្តែក្រសួងបង្ហើបថា តម្លៃលក់គឺប្រហាក់ប្រហែលនឹងការចំណាយសាងសង់ (ប្រហែល ១លានដុល្លារ) ។

ប្រព័ន្ធ David’s Sling ដែលបង្កើតឡើងដោយអ៊ីស្រាអែល និងអាមេរិក ក្នុងឆ្នាំ ២០១៧ អាចស្ទាក់ចាប់យន្តហោះសត្រូវ យន្តហោះគ្មានមនុស្សបើក កាំជ្រួចផ្លោង និងគ្រាប់រ៉ុក្កែតរយៈចម្ងាយមធ្យមទៅឆ្ងាយ។ ការលក់ប្រព័ន្ធសហអភិវឌ្ឍន៍មួយនេះទៅប្រទេសហ្វាំងឡង់ បានទទួលការយល់ព្រមពីសហរដ្ឋអាមេរិក កាលពីដើមខែសីហា កន្លងទៅ៕

ប្រែសម្រួល៖ សន្យា

ប្រភព៖ Anadolu

ចុចអាន៖ អូស្រ្តាលី ដោះលែងប៉ូលិសម៉ាឡេស៊ីដែលជាប់ឃុំពីបទឃាតកម្ម ក្រោយដាក់គុកជិត ៩ឆ្នាំ