ព័ត៌មានអន្ដរជាតិ

ម្ដាយមរណភាពមិនប៉ុន្មានថ្ងៃ កូនៗបង្កជម្លោះដណ្ដើមមរតកនៅប្រទេស ចិន

បានផុស

១១ ខែ មុន

នៅ

ថ្ងៃអង្គារ ១៤ វិច្ឆិកា ២០២៣

ដោយ

ជម្លោះមរតកបានកើតឡើងក្នុងគ្រួសារជនជាតិចិន នៅពេលម្ដាយរបស់ពួកគេទើបនឹងទទួលមរណភាព ហើយកូនប្រុសពៅបានប្រកាសបណ្ដាំមរតកដោយគ្មានឈ្មោះរបស់បងប្អូនទាំង៥នាក់ផ្សេងទៀត បង្កឲ្យមានការស៊ើបអង្កេតយ៉ាងហ្មត់ចត់ថាជាបណ្ដាំក្លែងក្លាយឬយ៉ាងណា។

នៅដើមឆ្នាំ ២០២០ ស្ត្រីអាយុ ៩០ ឆ្នាំម្នាក់ឈ្មោះ Tham នៅសៀងហៃ ប្រទេសចិន ត្រូវបានបញ្ជូនទៅមន្ទីរពេទ្យដោយសារតែដុំសាច់សាហាវ។ ពេលដែលគាត់ចូលមន្ទីរពេទ្យ គាត់ស្រាប់តែលែងដឹងខ្លួនហើយក៏ស្លាប់នៅមន្ទីរពេទ្យ។ អ្នកស្រី Tham មានកូនប្រុស២នាក់ ស្រី៤នាក់ ដូច្នេះហើយ បន្ទាប់ពីម្តាយគាត់លាចាកលោក កូនៗបានប្រមូលផ្តុំគ្នា ដើម្បីដោះស្រាយមរតកដែលម្ដាយបន្សល់ទុកឲ្យ។

នៅពេលនេះ កូនប្រុសពៅរបស់លោកស្រី Thamគឺ Tu Si ស្រាប់តែបង្ហាញនូវបណ្ដាំមរតកមួយសន្លឹកដោយបញ្ជាក់ថា បណ្ដាំនេះធ្វើឡើងភ្លាមៗ បន្ទាប់ពីម្តាយរបស់គាត់ចូលមន្ទីរពេទ្យ។ ក្នុងបណ្ដាំបានបញ្ជាក់យ៉ាងច្បាស់ថា ទ្រព្យសម្បត្តិទាំងអស់នៅក្នុងឈ្មោះរបស់លោកស្រី Tham រួមទាំងសំណងដីធ្លីដែលទើបទទួលបានថ្មីចំនួន ៩៤០,០០០យន់ និងប្រាក់បញ្ញើធនាគារនឹងត្រូវបានទទួលមរតកដោយ Tu Si ទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្ដាំនោះអ្នកស្រី Tham បានសរសេរថា “ដោយសារខ្ញុំចាស់ហើយឈឺ ដើម្បីចៀសវាងជម្លោះដែលមិនចាំបាច់ក្នុងគ្រួសារអំពីមរតកទ្រព្យសម្បត្តិនាពេលអនាគត ខ្ញុំបានសម្រេចចិត្តធ្វើបណ្ដាំមរតកដូចខាងក្រោម៖ ទ្រព្យសម្បត្តិទាំងអស់ស្ថិតក្នុងនាមខ្ញុំ ចាប់ពីសំណងដីធ្លី អចលនទ្រព្យ រហូតដល់ប្រាក់បញ្ញើសន្សំ ទាំងអស់នឹងជាកម្មសិទ្ធិរបស់កូនប្រុសរបស់ Tu Si គ្មានអ្នកណាអាចទទួលមរតកទ្រព្យសម្បត្តិទាំងនេះបានឡើយ”។

ទោះយ៉ាងណាក៏ដោយ ក្រោយកូនៗ៥នាក់ទៀតបានស្ដាប់ហើយមានការភ្ញាក់ផ្អើល ហើយភ្លាមៗនោះមានការសង្ស័យអំពីភាពត្រឹមត្រូវ និងតម្លៃផ្លូវច្បាប់នៃបណ្ដាំមួយនេះ។ ការសង្ស័យរបស់បងប្អូន Tham គឺមិនមានមូលដ្ឋានទេ។ ព្រោះពេលចូលពេទ្យ ម្ដាយសន្លប់មិនអាចកម្រើកខ្លួនបាន ដូច្នេះតើគាត់រអាចធ្វើបណ្ដាំមរតកបានដោយរបៀបណា?

កូនប្រុសពៅរបស់សព បានជំទាស់នឹងសំណួររបស់បងប្អូនបង្កើតរបស់គាត់ ដោយនិយាយថា ពេលខ្លះម្តាយរបស់គាត់សន្លប់ ប៉ុន្តែក៏ដឹងខ្លួនមកវិញ ដែលពេលនោះគាត់បានសុំឲ្យកូនប្រុសពៅហៅមេធាវីពីរនាក់ភ្លាមៗ។ កូនប្រុសពៅជឿថាជំងឺរបស់លោកស្រី Tham មិនប៉ះពាល់ដល់សមត្ថភាពគិត ឬបង្ហាញពីខ្លួនឯងទេ ហើយបណ្ដាំមរតកក៏មានហត្ថលេខារបស់ម្តាយដែរ។

ក្នុងមួយឆ្នាំចុងក្រោយនៃជីវិតរបស់លោកយាយ Tham បានរស់នៅជាមួយកូនប្រុសពៅ Tu Si ហើយត្រូវបានគេមើលថែយ៉ាងល្អ។ ដូច្នេះ Tu Si ជឿថាវាសមហេតុផលទាំងស្រុងក្នុងការទទួលបានមរតករបស់ម្តាយគាត់ទាំងស្រុង។ ការពន្យល់ទាំងនេះនៅតែមិនបានបំពេញចិត្តបងប្អូនរបស់ Tu Si។ ពួកគេសម្រេចប្តឹងទៅតុលាការចិន ដើម្បីដោះស្រាយជម្លោះមរតក។

បន្ទាបវ់ពីបានទៅដល់ដៃតុលាការបានកត់សម្គាល់ឃើញភាពមិនប្រក្រតី ហើយបានសម្រេចឲ្យបែងចែកទ្រព្យសម្បត្តិនេះឡើងវិញ។ តុលាការប្រជាជននៃស្រុក Jing’an ទីក្រុងសៀងហៃ ប្រទេសចិន បន្ទាប់ពីពិនិត្យមើលបណ្ដាំរបស់លោក Tham បានរកឃើញចំណុចគួរឲ្យសង្ស័យចំនួន ៣ ។

ទីមួយ អ្នកស្រី Tham ត្រូវបានសម្រាកព្យាបាលនៅមន្ទីរពេទ្យក្នុងស្ថានភាពធ្ងន់ធ្ងរ ថ្ងៃបន្ទាប់ពីសម្រាកនៅមន្ទីរពេទ្យ ពេលដែលគាត់សម្រេចចិត្ត ស្ថានភាពសុខភាពរបស់គាត់មិនមានភាពប្រសើរឡើងគួរឲ្យកត់សម្គាល់នោះទេ។ ដូច្នេះហើយ ពិបាកសន្និដ្ឋានថា ស្ត្រីវ័យ ៩០ ឆ្នាំរូបនេះ បានដឹងច្បាស់ពីអាកប្បកិរិយារបស់គាត់ និងបង្ហាញពីចេតនារបស់គាត់យ៉ាងត្រឹមត្រូវ។

ទីពីរ ដោយមានបណ្ដាំជាលាយលក្ខណ៍អក្សរ មេធាវីត្រូវកត់ត្រានូវខ្លឹមសារពិតប្រាកដនៃពាក្យរបស់កូនក្តី ដោយមិនចាំបាច់បន្ថែមព័ត៌មានលម្អិតផ្សេងទៀត ឬបង្ហាញសារជាថ្មីតាមការចង់បានរបស់ខ្លួនឡើយ។ អ្នកស្រីថា Tham មិនដែលអានសៀវភៅទេ ហើយតែងតែរស់នៅជនបទដោយធ្វើការងារសាមញ្ញៗ។នៅក្នុងអត្ថបទពេញលេញនៃបណ្ដាំមរតកមានលក្ខខណ្ឌផ្លូវច្បាប់ និងខ្លឹមសារលម្អិតដូចជាលេខអត្តសញ្ញាណប័ណ្ណរបស់អ្នកស្នងមរតក។ តុលាការបានលើកឡើងថា ពាក្យក្នុងបណ្ដាំមិនស្របនឹងកម្រិតអប់រំរបស់អ្នកស្រី Tham ទេ។

ទី៣ បណ្ដាំមិនមានហត្ថលេខារបស់លោកស្រី Tham ដូចដែល Tu Si បានអះអាងនោះទេ គឺមានតែស្នាមមេដៃប៉ុណ្ណោះ ហើយគ្មានការសរសេរដោយដៃ ឬកាលបរិច្ឆេទនៃការបង្កើតបណ្ដាំមរតកនោះទេ។ ទោះបីជាការថតសំឡេង និងវីដេអូមិនមែនជាលក្ខខណ្ឌចាំបាច់ក៏ដោយ ក្នុងករណីដែលអ្នកធ្វើតេស្ដមានជំងឺងន់ធ្ងរ ឬមិនអាចអាន ឬសរសេរបាន ការថតសំឡេង ឬវីដេអូគឺចាំបាច់សម្រាប់ភស្តុតាងពិតប្រាកដ។

ដូច្នេះ តុលាការបានប្រកាសថាបណ្ដាំមរតកដែលផ្តល់ដោយ Tu Si មិនត្រឹមត្រូវ និងចាត់ទុកការបែងចែកមរតកឡើងវិញតាមច្បាប់។ ទោះបីជាគាត់ទទួលបានមរតកធំជាងបងប្អូនបង្កើតដោយសារមើលថែម្តាយអស់រយៈពេលជាច្រើនឆ្នាំក៏ដោយ ក៏កូនប្រុសពៅរបស់ Tu Si នៅតែមិនពេញចិត្ត និងប្តឹងឧទ្ធរណ៍ទៅកាន់តុលាការប្រជាជនកម្រិតមធ្យមលេខ២ នៃទីក្រុងសៀងហៃ ប្រទេសចិន។ យ៉ាងណាក៏ដោយ លទ្ធផលនៅតែថាសាលក្រមលើកដំបូងត្រូវតម្កល់ទុកមកទល់ពេលនេះ៕