យន្តហោះធ្លាក់បុករថយន្តកំពុងបើកបរ នៅសហរដ្ឋអាមេរិក

ជាហេតុការណ៍កម្រមួយនៅសហរដ្ឋអាមេរិក ដោយយន្តហោះធុនតូចមួយគ្រឿងបានក្រឡាប់លើផ្លូវរត់ពេលកំពុងចុះចតនៅអាកាសយានដ្ឋានរដ្ឋតិចសាស់ រួចរអិលទៅបុកនឹងរថយន្តដែលកំពុងឆ្លងកាត់ផ្លូវក្បែរនោះ។

លោក Jack Schneider ជាសាក្សីបានឃើញហេតុការណ៍ផ្ទាល់ បានប្រាប់ទូរទស្សន៍ក្នុងស្រុក WFAA-TV កាលពីថ្ងៃសៅរ៍ថា “ខ្ញុំបានឃើញយន្តហោះចុះពីលើផ្លូវរត់យ៉ាងលឿន ខ្ញុំដឹងយ៉ាងច្បាស់ ថាវានឹងមិនអាចឈប់ដោយងាយនោះទេ” ។ ដោយសារល្បឿនលឿនពេកនៃយន្តហោះ សំបកកង់របស់វាមិនអាចទប់ទល់បាន ហើយក៏ធ្លាក់ផ្លូវតែម្ដង។

នៅក្នុងឧបទ្ទវហេតុនេះ អ្នកបើកបររថយន្តត្រូវបានបញ្ជូនទៅមន្ទីរពេទ្យដោយមានរបួសស្រាល ចំណែកអ្នកជិះលើយន្តហោះចំនួន ២នាក់ មិនមានរបួសអ្វីនោះទេ។ ជុំវិញហេតុការដ៏កម្រនេះផងដែរ រដ្ឋបាលអាកាសចរណ៍សហព័ន្ធកំពុងស៊ើបអង្កេតមូលហេតុនៃការធ្លាក់របស់វា.

សូមទស្សនាវីដេអូពី​ AP!

ប្រែសម្រួល៖ សន្យា

ប្រភព៖ BBC

ចុចអាន៖ ករណីកម្រ ស្ត្រី​អាមេរិកម្នាក់មានស្បូន ២ ពពោះកូនភ្លោះ