កងទ័ពអ៊ីស្រាអែល បើកប្រតិបត្តិការ វាយលុកចូលមន្ទីរពេទ្យធំ នៅ ហ្គាហ្សា ហើយ!

កងកម្លាំងការពារអ៊ីស្រាអែល (IDF) និយាយ​ថា កងកម្លាំង​របស់​ខ្លួន ​បាន​បើក​ប្រតិបត្តិការ​ប្រឆាំង​ក្រុម​ហាម៉ាស​នៅ​មន្ទីរពេទ្យ al Shifa ក្នុងតំបន់ហ្គាហ្សាហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីស្រាអែល ហៅប្រតិបត្តិការនេះថា ច្បាស់លាស់ និងកំណត់គោលដៅចំៗ នៅក្នុងតំបន់ជាក់លាក់ នៃមន្ទីរពេទ្យធំជាងគេរបស់តំបន់ហ្គាហ្សា។

ស្របពេលជាមួយគ្នានោះដែរ IDF បានអំពាវនាវឲ្យសមាជិកទាំងអស់នៃក្រុមសកម្មប្រយុទ្ធដែលមានវត្តមាននៅក្នុងមន្ទីរពេទ្យ ត្រូវចុះចាញ់ជាបន្ទាន់។

IDF និយាយក្នុងសេចក្តីថ្លែងការណ៍មួយថា “នារយៈពេលប៉ុន្មានសប្តាហ៍ថ្មីៗនេះ IDF បានព្រមានជាសាធារណៈម្តងហើយម្តងទៀតថា ការបន្តប្រើយោធារបស់ក្រុមហាម៉ាសលើមន្ទីរពេទ្យ គឺធ្វើឲ្យប៉ះពាល់ដល់ស្ថានភាពការពាររបស់ខ្លួនក្រោមច្បាប់អន្តរជាតិ ហើយបានទុកពេលវេលាគ្រប់គ្រាន់ដើម្បីបញ្ឈប់ការរំលោភបំពានខុសច្បាប់នៃមន្ទីរពេទ្យនេះ”។

មុននេះ IDF បានជូនដំណឹងម្តងទៀតដល់អាជ្ញាធរពាក់ព័ន្ធនៅតំបន់ហ្គាហ្សាថា រាល់សកម្មភាពយោធាក្នុងមន្ទីរពេទ្យ ត្រូវតែបញ្ឈប់ក្នុងរយៈពេល១២ម៉ោង ប៉ុន្តែជាអកុសល ពួកគេមិនបានធ្វើទេ។

ប្រតិបត្តិការនេះកើតឡើង បន្ទាប់ពីសហរដ្ឋអាមេរិកអះអាងថា ខ្លួនក៏មានព័ស្តុតាងដែរ ដែលថាក្រុមហាម៉ាសកំពុងប្រើប្រាស់មន្ទីរពេទ្យ al Shifa ដើម្បីធ្វើសកម្មភាពយោធា។

យ៉ាងណាក្តី ក្រុមហាម៉ាស បានថ្កោលទោសយ៉ាងខ្លាំងក្លា និងច្រានចោលការចោទប្រកាន់នេះ៕

ប្រែសម្រួល៖ Vann Vann

ប្រភព៖ SKY

ចុចអាន៖ ទីបំផុត អាមេរិក ទទួលស្គាល់ថា ក្រុម ហាម៉ាស ពិតជាមានទីបញ្ជាការ នៅ ក្រោម មន្ទីរពេទ្យ ហ្គាហ្សា មែន