ការស្លាប់របស់កីឡាករវាយកូនគោលលើទឹកកកអង់គ្លេស ក្លាយ​ជា​ករណី​ព្រហ្មទណ្ឌ

កាលពីថ្ងៃទី២៨ ខែតុលា កីឡាករវាយកូនគោលលើទឹកកកអាជីពម្នាក់បានឆូត ក ជាមួយស្បែកជើងស្គីបាត់បង់ជីវិតអំឡុងពេលប្រកួតនៅទីក្រុង Sheffield របស់អង់គ្លេស ។

កីឡាករដែលស្លាប់នោះមានឈ្មោះថា Adam Johnson អាយុ ២៩ ឆ្នាំ បានរងគ្រោះក្នុងការប្រកួតជាមួយក្រុម Sheffield Steelers ខណៈការប្រកួតនោះក៏ត្រូវបញ្ឈប់ភ្លាមៗផងដែរ ហើយអ្នកគាំទ្រជាង ៨,០០០ នាក់ដែលស្ថិតក្នុងសាលប្រកួតត្រូវបានស្នើសុំឲ្យចាកចេញទាំងអស់ផងដែរ ។

រហូតដល់ថ្ងៃអង្គារ ទី១៤ ខែវិច្ឆិកា ប៉ូលិសបានចាប់ខ្លួនបុរសម្នាក់ពីបទធ្វើឃាតកីឡាករ Johnson ប៉ុន្តែប៉ូលិសមិនប្រាប់ឈ្មោះជនសង្ស័យ ឬអាយុរបស់គាត់នោះទេ ដឹងត្រឹមថាកំពុងជាប់ឃុំប៉ុណ្ណោះ ។

ប៉ុន្តែទោះបីជាប៉ូលិសមិនបានបញ្ជាក់អត្តសញ្ញាណយ៉ាងណាក៏ដោយ ប៉ុន្តែមហាជនបានដាក់ការសង្ស័យ និងសន្និដ្ឋានលើជនសង្ស័យដែលជិះស្គីឆូត ក Johnson មានឈ្មោះថា Matt Petgrave អាយុ ៣១ ឆ្នាំលេងឲ្យក្រុម Sheffield ៕

ប្រែសម្រួល៖ វារី

ប្រភព៖ Insider

ចុចអាន៖ កីឡាករវាយកូនគោលលើទឹកកកអង់គ្លេស ស្លាប់ដោយសារឆូត ក ជាមួយស្បែកជើងស្គី