កងទ័ពអារ៉ាកាន់ ថា ប៉ូលិស និងយោធា មីយ៉ាន់ម៉ា រាប់សិបនាក់ទម្លាក់អាវុធ​សុំចុះចាញ់ក្នុងការប្រយុទ្ធគ្នា

ក្រុមប្រដាប់អាវុធជនជាតិភាគតិចបាននិយាយកាលពីថ្ងៃពុធ ទី១៥ ខែវិច្ឆិកាថា សមាជិកជាច្រើននាក់របស់កងកម្លាំងសន្តិសុខមីយ៉ាន់ម៉ាបានទម្លាក់អាវុធសុំចុះចាញ់ក្នុងការប្រយុទ្ធគ្នា ខណៈមួយចំនួនទៀតត្រូវបានចាប់ខ្លួនក្នុងការវាយប្រហារនៅតាមតំបន់បណ្តោយព្រំដែនជាមួយក្រុមកងកម្លាំងចម្រុះប្រឆាំងរដ្ឋាភិបាលយោធាមីយ៉ាន់ម៉ា ។

យ៉ាង​ហោច​ណាស់​មន្ត្រី​ប៉ូលិសចំនួន ​២៨ ​នាក់​បាន​ប្រគល់​អាវុធ​របស់​ពួក​គេ​ទៅឲ្យ​កង​ទ័ព​អារ៉ាកាន់ (Arakan) ខណៈដែលពួកយោធាចំនួន ​១០​ នាក់​ផ្សេង​ទៀត​ត្រូវ​បាន​ចាប់​ខ្លួន អំឡុងពេលដែល​ក្រុម​នេះ​កំពុង​ប្រយុទ្ធ​ដើម្បីដណ្តើមកាន់កាប់តំបន់ស្វ័យត​ក្នុង​រដ្ឋ​រ៉ាក់ឃីនភាគខាងលិចនៃប្រទេសមីយ៉ាន់ម៉ា ។

កងទ័ពអារ៉ាកាន់(Arakan) គឺជាក្រុមប្រដាប់អាវុធជនជាតិភាគតិចមួយក្នុងចំណោមក្រុមជនជាតិភាគតិចចំនួន ៨  ដែលបានបើកការវាយប្រហារប្រឆាំងនឹងរដ្ឋាភិបាលយោធាមីយ៉ាន់ម៉ាកាលពីចុងខែតុលាកន្លងទៅ ។

គួរបញ្ជាក់ថា កាលពីពេលថ្មីៗនេះ រដ្ឋាភិបាល​យោធា​បាន​ប្រកាស​បម្រាម​គោចរ​នៅទីក្រុង Sittwe នៃរដ្ឋរ៉ាក់ឃីន បន្ទាប់ពីប្រជាជននៅក្នុងតំបន់នោះបានមើលឃើញរថក្រោះយោធាជាច្រើនគ្រឿងចល័តចុះចល័តឡើងនៅក្នុងទីក្រុងមួយនេះ ៕

ប្រែសម្រួលដោយ ៖ គង់ សំអាន

ប្រភព ៖ MGR Online

ចុចអាន ៖ ប្រធានាធិបតី មីយ៉ាន់ម៉ា ព្រមានពីហានិភ័យ នៃការពុះចែកប្រទេស