ព័ត៌មានអន្ដរជាតិ
មេក្រុមហាម៉ាស ថា មិនខ្លាចនឹងតតាំងក្នុងសង្គ្រាមដ៏យូរអង្វែងជាមួយ អ៊ីស្រាអែល នោះទេ
ប្រធានការិយាល័យនយោបាយរបស់ក្រុហាម៉ាសលោក Ismail Haniyeh បាននិយាយកាលពីថ្ងៃព្រហស្បតិ៍ថា កងកម្លាំងតស៊ូនៅក្នុងតំបន់ហ្គាហ្សាស្ទ្រីប មិនខ្លាចនឹងការប្រយុទ្ធជាមួយកងទ័ពអ៊ីស្រាអែលនោះទេ ហើយថែមទាំងបានរៀបចំខ្លួនរួចជាស្រេចសម្រាប់ការតតាំងក្នុងសង្រ្គាមដ៏យូរអង្វែងមួយនេះផងដែរ ។

នៅក្នុងសុន្ទរកថាដ៏កម្រមួយ លោក Ismail Haniyeh បានសរសើរចំពោះភាពធន់របស់ប្រជាជនប៉ាឡេស្ទីន និងការសម្របសម្រួលពីសំណាក់ក្រុមប្រឆាំងដើម្បីបំបាក់ស្មារតី ក៏ដូចជាបំបែកកម្លាំងទ័ពជួរមុខជាច្រើនរបស់អ៊ីស្រាអែលឲ្យខ្សោយទៅៗផងដែរ ។
មេដឹកនាំក្រុមរូបនេះលើកឡើងថា “ប្រសិនបើសត្រូវចង់បានការប្រយុទ្ធគ្នាដ៏វែងឆ្ងាយ នោះពួកគេគិតខុសហើយ ព្រោះសមត្ថភាពប្រយុទ្ធរបស់យើងគឺយូរ និងច្រើនជាងសត្រូវ ហើយការតស៊ូរបស់យើងនឹងមានតែពាក្យថា “ការចូលរួមនៅក្នុងជម្លោះយុទ្ធសាស្ត្រជាមួយរបបសត្រូវ Zionist របស់អ៊ីស្រាអែល គឺមានតែជ័យជម្នះប៉ុណ្ណោះ” ។
ទន្ទឹមនោះ លោកគូសបញ្ជាក់ទៀតថា “ជ័យជំនះដែលសម្រេចបានដោយសមាជិកតស៊ូរបស់យើងនៅលើតំបន់ដីគោកហ្គាហ្សាស្ទ្រីបនាពេលកន្លងមក គឺជាវីរភាពដ៏អង់អាចរបស់យើង ហើយចលនាតស៊ូមួយនេះនឹងត្រូវចារក្នុងទំព័រប្រវត្តិសាស្ត្រជាបន្តបន្ទាប់នៅតំបន់ហ្គាហ្សា បើទោះបីជាមានការឈឺចាប់ដែលបង្កឡើងដោយកងទ័ពសត្រូវក៏ដោយ” ។

លោក Haniyeh បាននិយាយថា “ពិភពលោកនឹងធ្វើជាសាក្សីនៃកងពលតូច Al-Qassam និងក្រុមប្រឆាំងដែលបានពលីកម្ចាត់ការកាន់កាប់របស់អ៊ីស្រាអែលនៅតំបន់ហ្គាហ្សា ដូចដែលពួកគេបានធ្វើកាលពី ១៨ ឆ្នាំមុន ពាក់ព័ន្ធទៅនឹងការផ្តាច់ខ្លួនរបស់អ៊ីស្រាអែលចេញពីតំបន់ហ្គាហ្សាក្នុងឆ្នាំ ២០០៥” ។
ទាក់ទិននឹងជម្លោះបច្ចុប្បន្ននេះវិញ លោក Haniyeh បញ្ជាក់ថា អ៊ីស្រាអែលនឹងខកចិត្ត ហើយថែមទាំងបរាជ័យជាថ្មីម្ដងទៀត ដោយសារតែពលរដ្ឋនៅតំបន់ហ្គាហ្សា និងក្រុមតស៊ូកំពុងធ្វើការរារាំងគោលដៅ និងផែនការរបស់សត្រូវសម្រាប់ការផ្លាស់ទីជម្រក ជាពិសេសគឺការបង្ខំឲ្យមានដោះដូរចាប់ចំណាប់ខ្មាំងនេះតែម្ដង ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ