ព័ត៌មានអន្ដរជាតិ
វ៉ាក់សាំងកូវីដរបស់វៀតណាម បញ្ចប់ការសាកល្បងដំណាក់កាលដំបូងហើយក៏បង្ហាញប្រសិទ្ធភាពប្រឆាំងវីរុសបម្លែងខ្លួនថ្មី
សកលវិទ្យាល័យវេជ្ជសាស្ត្រយោធាវៀតណាមបាននិយាយកាលពីថ្ងៃទី៨ខែកុម្ភៈថា ប្រទេសវៀតណាមបានបញ្ចប់ការសាកល្បងលើមនុស្សដំណាក់កាលដំបូង នៃវ៉ាក់សាំងកូវីដផលិតក្នុងស្រុករបស់ខ្លួនឈ្មោះ Nano Covax ដោយមានការចូលរួមពីអ្នកស្ម័គ្រចិត្តចំនួន៦០នាក់។
![](https://www.kampucheathmey.com/wp-content/uploads/2021/02/vie2-1024x706.jpg)
អ្នកស្ម័គ្រចិត្ត២២នាក់ចុងក្រោយ បានទទួលការចាក់វ៉ាក់សាំងលើកទី២ ដោយពីរនាក់ទទួលវ៉ាក់សាំងកម្រិត៥០មីលីក្រាមនិង២០នាក់ទទួល៧៥មីលីក្រាម។
ក្រុមអ្នកជំនាញបាននិយាយថា វ៉ាក់សាំង Nano Covax បានបង្ហាញថាមានសុវត្ថិភាពនិងប្រសិទ្ធភាពប្រឆាំងនឹងវីរុសកូរ៉ូណា SARS-CoV-2 សូម្បីតែវីរុសបម្លែងខ្លួនថ្មីរបស់វាក៏ដោយ។
![](https://www.kampucheathmey.com/wp-content/uploads/2021/02/vie.jpeg)
អ្នកស្ម័គ្រចិត្តភាគច្រើនស្ថិតក្នុងស្ថានភាពល្អបន្ទាប់ពីទទួលថ្នាំបង្ការ។ មានមនុស្សតិចតួចប៉ុណ្ណោះដែលឈឺនៅកន្លែងចាក់ថ្នាំនិងគ្រុនក្តៅប៉ុន្តែបានបាត់ទៅវិញបន្ទាប់ពីរយៈពេល មួយទៅពីរថ្ងៃ។
គោលបំណងនៃដំណាក់កាលដំបូងគឺវាយតម្លៃសុវត្ថិភាពរបស់វ៉ាក់សាំង ដែលត្រូវបានអភិវឌ្ឍនិងផលិតដោយក្រុមហ៊ុន Nanogen Pharmaceutical Biotechnology JSC ដែលមានមូលដ្ឋាននៅទីក្រុងហូជីមិញ។
![](https://www.kampucheathmey.com/wp-content/uploads/2021/02/vie1.jpg)
មនុស្សជិត៤០០នាក់បានចុះឈ្មោះសម្រាប់ការសាកល្បងដំណាក់កាលទី២ ដែលគេរំពឹងថានឹងអូសបន្លាយរយៈពេល៦ខែដោយក្នុងនោះអ្នកស្ម័គ្រចិត្តចំនួន៥៦០នាក់នឹងត្រូវចាក់វ៉ាក់សាំង។
ដំណាក់កាលទី៣ នឹងមានការចូលរួមពីអ្នកស្ម័គ្រចិត្តជាង១ម៉ឺននាក់ ដែលចាប់ផ្តើមពីខែសីហាទៅ។
ប្រសិនបើលទ្ធផលល្អ ប្រទេសវៀតណាមនឹងចាក់វ៉ាក់សាំងនេះជូនសាធារណជននៅដើមឆ្នាំ ២០២២៕
ប្រែសម្រួលដោយ៖ Vann Vann
ប្រភព៖ VN Expoler
ចុចអាន៖ វៀតណាម តេស្តវ៉ាក់សាំង Nano Covax របស់ខ្លួនលើពលរដ្ឋស្ម័គ្រចិត្តជាលើកទី២
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១២ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច