រុស្ស៊ី គំរាមវាយប្រហារលោកខាងលិច ជាមួយមីស៊ីលនុយក្លេអ៊ែរល្បឿនលឿន​ជាង​សំឡេងដ៏ពិសេស

រុស្ស៊ី ​បាន​គំរាមប្រទេស​លោកខាងលិច ​ជាមួយនឹង​មី​ស៊ី​ល​ល្បឿនលឿន​ជាង​សំឡេងមួយប្រភេទមានរហ័ស្សនាម “អាចម៍ផ្កាយ” ​ដែល​លោក​និយាយថា ​គ្មានអ្វីអាច​បញ្ឈប់​បានទេ​។

តាមប្រភពពីរុស្ស៊ី, មីស៊ីលនុយក្លេអ៊ែរ Avangard ត្រូវបានដំឡើងនៅទីតាំងបាញ់បង្ហោះក្រោមដី ក្នុងតំបន់ Orenburg ក្បែរប្រទេសកាហ្សាក់ស្ថាន រួចទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងល្បឿនលឿនជាងសំឡេងរហូតដល់២៧ដង, មីស៊ីលប្រភេទនេះមានលក្ខណៈពិសេស អាចហោះទៅខាងក្រៅបរិយាកាសផែនដីបាន ហើយអាចវាយប្រហារគោលដៅជាច្រើនជុំវិញពិភពលោក ក្នុងរយៈពេលត្រឹមប៉ុន្មាននាទីប៉ុណ្ណោះ។

លោក ពូទីន ធ្លាប់អះអាងថា ការវាយប្រហាររបស់មីស៊ីល Avangard គឺប្រៀបដូចជាអាចម៍ផ្កាយ និងគ្មានអ្វីអាចទប់ទល់ជាមួយវាបាន។

ដំណឹង​នេះ​កើត​ឡើង ​បន្ទាប់​ពី​អតីត​ប្រធានាធិបតី​អាមេរិកលោក ដូណាល់ ត្រាំ បាន​ព្រមានថា ​សង្គ្រាម​លោក​លើក​ទី​បី ​ជិតកើតឡើងហើយ។ នៅឯកិច្ចប្រជុំកំពូល Florida Freedom ក្នុងទីក្រុង Kissimmee នៃរដ្ឋ Florida សហរដ្ឋអាមេរិក, លោកបាននិយាយអំពីផែនការ ប្រសិនបើគាត់ឈ្នះការបោះឆ្នោតនៅឆ្នាំក្រោយ។

បុរសអាយុ៧៧ឆ្នាំរូបនេះបញ្ជាក់ថា “ខ្ញុំសូមសន្យាជាមួយអ្នក ក្នុងនាមជាប្រធានាធិបតីរបស់អ្នក។ ខ្ញុំនឹងស្ដារសន្តិភាពឡើងវិញ ហើយខ្ញុំគឺជាមនុស្សតែម្នាក់គត់ដែលនឹងការពារសង្គ្រាមលោកលើកទី៣មិនឲ្យផ្ទុះឡើង ពីព្រោះយើងកំពុងស្ថិតនៅជិតសង្គ្រាមលោកលើកទី៣មែនទែន”៕

ប្រែសម្រួល៖ Vann Vann

ប្រភព៖ Daily Star, Daily Mail

ចុចអាន៖​ អាមេរិក ត្រៀមផលិតអាវុធនុយក្លេអ៊ែរថ្មី ដែលខ្លាំងជាងគ្រាប់បែកទម្លាក់នៅ ហ៊ីរ៉ូស៊ីម៉ា ២៤ដង