ព័ត៌មានអន្ដរជាតិ
រថភ្លើងល្បឿនលឿន ឥណ្ឌូណេស៊ី ដឹកមនុស្សជាង ៣៨ ម៉ឺននាក់ក្នុងខែដំបូង
បើតាមការបញ្ជាក់ពីក្រុមហ៊ុន China State Railway Group Co បានឲ្យដឹងថា រថភ្លើងរបស់ក្រុមហ៊ុនផ្លូវដែកឥណ្ឌូណេស៊ី Jakarta-Bandung ដែលជារថភ្លើងល្បឿនលឿនបំផុតនៅអាស៊ីអាគ្នេយ៍ បានដឹកអ្នកដំណើរសរុបចំនួន ៣៨៣,០០០ នាក់ក្នុងខែដំបូងនៃប្រតិបត្តិការជាផ្លូវការរបស់ខ្លួន ។
![](https://www.kampucheathmey.com/wp-content/uploads/2023/11/d2babc00-804a-4824-99bd-5a5a78058c79-1024x576.jpg)
ប្រតិបត្តិករផ្លូវដែករដ្ឋចិនបញ្ជក់ថា លំហូរអ្នកដំណើរមានសន្ទុះកើនឡើងខ្លាំង ដោយក្នុងមួយថ្ងៃ មានអ្នកដំណើរកើនឡើងពី ៤,១៣១ នាក់ដល់ ២១,៣៥៩ នាក់ដែលធ្វើឲ្យអត្រាអ្នកជិះ កើនឡើងខ្ពស់បំផុតដល់ ៩៨.៧ ភាគរយ ។
ចាប់តាំងពីផ្តើមដំណើរការនៅថ្ងៃទី១៧ ខែតុលាមក រថភ្លើងល្បឿនលឿនមួយនេះ បានក្លាយជាតម្រូវការខ្ពស់របស់អ្នកដំណើរ និងក្លាយជាមធ្យោបាយដឹកជញ្ជូនអំណោយផលបំផុតសម្រាប់ប្រជាជនក្នុងតំបន់ ។
![](https://www.kampucheathmey.com/wp-content/uploads/2023/11/indo-train-2_typd.png)
ទន្ទឹមនឹងនេះ ដំណើរការរថភ្លើងប្រចាំថ្ងៃ បានកើនឡើងដល់ ២៨ ដង ពីចំនួន ១៤ ដងក្នុងមួយថ្ងៃ ខណៈពេលចុងសប្តាហ៍ អាចកើនឡើងដល់ ៣៦ ដងឯណោះ ខណៈចំនួនកៅអីក៏បានកើនឡើងទ្វេរដងផងដែរពីចំនួន ១,៦០០ កៅអីដល់ ៨,០០០ កៅអី ។
គួរបញ្ជាក់ថា រថភ្លើងល្បើនលឿននេះ មានប្រវែង ១៤២ គីឡូម៉ែត្រ ជាមួយនឹងល្បឿនអតិបរមា ៣៥០ គីឡូម៉ែត្រក្នុងមួយម៉ោង ដែលសហការសាងសង់ដោយក្រុមហ៊ុនឥណ្ឌូណេស៊ី និងក្រុមហ៊ុនចិន ។ ទន្ទឹមនឹងនេះ គេបានព្យាករណ៍ថា ការធ្វើដំណើររបស់រថភ្លើងល្បឿនលឿននេះ អាចលើសពី ១០ លានដងក្នុងឆ្នាំដំបូងនៃប្រតិបត្តិការ ៕
ប្រែសម្រួល៖ នាង រតនៈ
ប្រភព៖ Global times
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ