ទីក្រុងហាណូយ និងបាងកក សុទ្ធតែរង្គើ ដោយការរញ្ជួយដី

ពលរដ្ឋជាច្រើននៅក្នុងអគារផ្ទះល្វែងក្នុងទីក្រុងហាណូយ នៃប្រទេសវៀតណាម បានរាយការណ៍អំពីការរង្គើ បណ្តាលមកពីគ្រោះរញ្ជួយដីកម្រិត៥.៤រ៉ិចទ័រ ដែលវាយប្រហារព្រំដែន ចិន-មីយ៉ាន់ម៉ា កាលពីថ្ងៃសុក្រទី១៧ខែវិច្ឆិកា។

លោក Nguyen Xuan Anh ប្រធានវិទ្យាស្ថានភូគព្ភសាស្ត្រ បានប្រាប់កាសែត Tuoi Tre ថា ការរញ្ជួយដី បានវាយប្រហារនៅម៉ោង ៨ និង ៣៧ នាទីព្រឹក ក្នុងជម្រៅប្រហែល ៤៨ គីឡូម៉ែត្រ ប៉ុន្តែមិនបង្កហានិភ័យជាគ្រោះមហន្តរាយអ្វីឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ មជ្ឈមណ្ឌលព្រមានរញ្ជួយដីនិងរលកយក្សស៊ូណាមិ ក្រោមវិទ្យាស្ថានភូគព្ភសាស្ត្រវៀតណាម ក៏បានតាមដានការរញ្ជួយនេះដែរ។

ងាកទៅប្រទេសថៃឯណោះវិញ នាយកដ្ឋានអង្កេតការរញ្ជួយដីនៃក្រសួងឧតុនិយមថៃ បានប្រកាសថា គ្រោះរញ្ជួយដីនេះមានចម្ងាយប្រហែល១០០គីឡូម៉ែត្រ ភាគពាយព្យនៃស្រុក Mae Sai ខេត្ត Chiang Rai។

ការរញ្ជួយនេះ ក៏រង្គើដល់ស្រុក Muang, Mae Suay និង Mae Sai នៃខេត្ត ឈៀងរ៉ៃ; ស្រុក Saraphi និង Muang នៃខេត្តឈៀងម៉ៃ; ស្រុក Muang នៃខេត្ត ឡាំភុន; ផ្នែកខ្លះនៃខេត្តណាន និងសង្កាត់ Lak Si នៃទីក្រុងបាងកក ផងដែរ៕

ប្រែសម្រួល៖ Vann Vann

ប្រភព៖ Tuoi Tre, Bangkok Post

ចុចអាន៖ រញ្ជួយដី វាយប្រហារប្រទេសឡាវ រង្គើដល់ ថៃ