លោក ត្រាំ ប្រកាសកម្ចាត់ចោល កិច្ចព្រមព្រៀងពាណិជ្ជកម្មអាស៊ីប៉ាស៊ីហ្វិក បើជាប់ឆ្នោត

លោក ដូណាល់ ត្រាំ ដែលជាបេក្ខជនឈានមុខគេសម្រាប់ការតែងតាំងទៅប្រជែងតំណែងប្រធានាធិបតីខាងគណបក្សសាធារណរដ្ឋ បាននិយាយកាលពីថ្ងៃអាទិត្យទី១៩ខែវិច្ឆិកាថា លោកនឹងលុបចោលកិច្ចព្រមព្រៀងពាណិជ្ជកម្មអាស៊ីប៉ាស៊ីហ្វិក ដែលជំរុញដោយប្រធានាធិបតីអាមេរិក ចូ បៃដិន ប្រសិនបើឈ្នះការបោះឆ្នោតឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់អ្នកគាំទ្រនៅរដ្ឋ Iowa, លោក ត្រាំ អះអាងថា លោកប្រឆាំងនឹងកិច្ចព្រមព្រៀងពាណិជ្ជកម្មក្នុងតំបន់ដែលកំពុងចរចាដោយរដ្ឋបាល បៃដិន ជាមួយប្រទេសចំនួន១៣ផ្សេងទៀត ដោយលើកហេតុផលថា វានឹងរារាំងដល់សង្វាក់ផលិតកម្មរបស់សហរដ្ឋអាមេរិក និងបណ្តាលឲ្យមនុស្សបាត់បង់ការងារធ្វើ។

កិច្ចពិភាក្សាលើវិស័យពាណិជ្ជកម្មនៃក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិក (IPEF) ត្រូវជាប់គាំងក្នុងរយៈពេលប៉ុន្មានថ្ងៃកន្លងមកនេះ បន្ទាប់ពីប្រទេសមួយចំនួនរួមទាំងវៀតណាម និងឥណ្ឌូណេស៊ីផងដែរ បានបដិសេធប្តេជ្ញាចំពោះកម្លាំងពលកម្មខ្លាំង និងស្តង់ដារបរិស្ថាន។

លោក ត្រាំ ដែលបានដកខ្លួនចេញពីកិច្ចព្រមព្រៀងពាណិជ្ជកម្ម ភាពជាដៃគូអន្តរប៉ាស៊ីហ្វិក (TPP) បន្ទាប់ពីចូលកាន់តំណែងក្នុងខែមករាឆ្នាំ២០១៧ បាននិយាយថា លោកនឹងបោះបង់នូវអ្វីដែលលោកហៅថា “TPP ទី២” ភ្លាមៗក្រោយឡើងកាន់អំណាច។

លោក ត្រាំ បានប្រកាសក្នុងព្រឹត្តិការណ៍យុទ្ធនាការមួយនៅទីក្រុង Fort Dodge ថា “ក្រោមការដឹកនាំរបស់រដ្ឋបាលបន្ទាប់ ផែនការរបស់លោក បៃដិន សម្រាប់ TPP ទី២ នឹងស្លាប់នៅថ្ងៃមួយ។ វាអាក្រក់ជាងផែនការទីមួយទៅទៀត ដោយគំរាមគំហែងដល់កសិករ និងអ្នកផលិតជាមួយនឹងភាពសាហាវយង់ឃ្នងសកលនិយម ហើយទំនោរខ្លាំងទៅកាន់តំបន់អាស៊ី”៕

ប្រែសម្រួល៖ Vann Vann

ប្រភព៖ CNA

ចុចអាន៖ លោក ត្រាំ អាចដកអាមេរិក ចេញពីអង្គការណាតូ បើជាប់ឆ្នោត