ហ្វីលីពីន ប្រាប់ពីបញ្ហាមួយ ដែលអាស៊ាន ពិបាកដោះស្រាយបំផុត

ប្រធានាធិបតីហ្វីលីពីន លោក Ferdinand Marcos បាននិយាយថា ជម្លោះនៅក្នុងប្រទេសមីយ៉ាន់ម៉ា ដែលគ្រប់គ្រងដោយយោធា គឺជាបញ្ហាដ៏លំបាកមួយដែលប្លុកអាស៊ីអាគ្នេយ៍ (អាស៊ាន) ត្រូវដោះស្រាយ។

ថ្លែងក្នុងវេទិកាមួយនៅរដ្ឋហាវ៉ៃ កាលពីថ្ងៃចន្ទទី២០ខែវិច្ឆិកា លោក Marcos និយាយថា មានការប្តេជ្ញាចិត្តពីសមាគមប្រជាជាតិអាស៊ីអាគ្នេយ៍ ប៉ុន្តែបញ្ហាមានភាពស្មុគស្មាញ រួមទាំងផលប៉ះពាល់មនុស្សធម៌ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីអង្គការសហប្រជាជាតិ, មនុស្សជាងមួយលាននាក់ ត្រូវផ្លាស់ទីលំនៅចាប់តាំងពីយោធាមីយ៉ាន់ម៉ា ធ្វើរដ្ឋប្រហារក្នុងឆ្នាំ២០២មក ដោយបំផ្លាញលទ្ធិប្រជាធិបតេយ្យ និងរុញច្រានប្រទេសឲ្យធ្លាក់ចូលទៅក្នុងជម្លោះ និងការបំផ្លាញសេដ្ឋកិច្ច។

លោក Marcos និយាយថា “មានកម្លាំងរុញច្រានយ៉ាងខ្លាំង សម្រាប់អាស៊ានក្នុងការដោះស្រាយបញ្ហានេះ ប៉ុន្តែវាជាបញ្ហាដ៏លំបាកបំផុត”។

ការ​បង្ក្រាប​ក្រោយ​រដ្ឋប្រហារ​របស់​​យោធា​មីយ៉ាន់ម៉ា លើ​អ្នក​ប្រឆាំង ​បាន​បង្កើតឲ្យ​មាន​ចលនា​តស៊ូ​ ដែល​បាន​និង​កំពុង​កើន​ឡើង​យ៉ាង​ខ្លាំងក្លា។ អាស៊ាន ​បាន​ហាម​មេទ័ព​កំពូល​មិន​ឲ្យ​ចូល​រួម​កិច្ច​ប្រជុំ​របស់​ខ្លួន លុះត្រាតែ​ពួកគេ​ប្តេជ្ញា​ចិត្ត​ចំពោះ​ផែនការ​សន្តិភាព​ ​របស់​ប្លុកនេះសិន។

សូមបញ្ជាក់ ហ្វីលីពីននឹងធ្វើជាប្រធានអាស៊ាននៅឆ្នាំ២០២៦ ជំនួសមីយ៉ាន់ម៉ា ដែលដំបូងឡើយ ត្រូវធ្វើជាម្ចាស់ផ្ទះនៅឆ្នាំនោះ៕

ប្រែសម្រួល៖ Vann Vann

ប្រភព៖ CNA

ចុចអាន៖ សង្គ្រាមពាក្យសម្តីចិន-ហ្វីលីពីន លើហេតុការណ៍នៅសមុទ្រចិនខាងត្បូង កំពុងបង្កើនហានិភ័យជម្លោះប្រដាប់អាវុធ