ក្រុមហេសបូឡា វាយប្រហារជំរំយោធាអ៊ីស្រាអែល

ក្រុមហេសបូឡារបស់ប្រទេសលីបង់ បាននិយាយនៅថ្ងៃចន្ទនេះថា ខ្លួនបានបាញ់មីស៊ីលប្រឆាំងរថក្រោះនៅឯជំរំយោធា Biranit នៅភាគខាងជើងប្រទេសអ៊ីស្រាអែល។

នៅក្នុងសេចក្តីថ្លែងការណ៍មួយ ក្រុមឧទ្ទាមនេះបាននិយាយថា ខ្លួនបានកំណត់គោលដៅលើជំរំអ៊ីស្រាអែលដើម្បីគាំទ្រប្រជាជនប៉ាឡេស្ទីននៅតំបន់ហ្គាហ្សាស្ទ្រីប។ យ៉ាងណាមិញ នៅក្នុងការវាយប្រហារ ពុំមានអ្នក​ស្លាប់ ឬរង​របួស​ត្រូវ​បាន​គេ​រាយការណ៍នោះទេ​។

ដោយឡែកកងទ័ពអ៊ីស្រាអែលវិញ បាននិយាយថា ខ្លួនបានឆ្លើយតបទៅនឹងកាំជ្រួចប្រឆាំងរថក្រោះ ដែលបាញ់ចេញពីប្រទេសលីបង់ ស្របពេលដែលទីភ្នាក់ងារសារព័ត៌មានផ្លូវការរបស់លីបង់ NNA បានរាយការណ៍ពីការបាញ់ផ្លោងកាំភ្លើងធំរបស់អ៊ីស្រាអែល នៅតំបន់ជុំវិញទីក្រុង Naqoura និងភ្នំ Labouneh នៅភាគខាងត្បូងនៃប្រទេស។

ភាពតានតឹងនៅតាមព្រំដែនកើតឡើងនៅពេលដែលអ៊ីស្រាអែលបានបន្តប្រតិបត្តិការផ្លូវអាកាស និងជើងគោកដោយឥតឈប់ឈររបស់ខ្លួននៅក្នុងតំបន់ហ្គាហ្សាស្ទ្រីប បន្ទាប់ពីការវាយប្រហារដោយក្រុមហាម៉ាសលើទីប្រជុំជនព្រំដែនអ៊ីស្រាអែល កាលពីថ្ងៃទី ៧ ខែតុលា៕

ប្រែសម្រួល៖ សន្យា

ប្រភព៖ Anadolu

ចុចអាន៖ លោក បៃដិន ប្រាប់ អ៊ីស្រាអែល ថា គួរតែទុកឲ្យ ប៉ាឡេស្ទីន ជាអ្នកគ្រប់គ្រង​តំបន់ហ្គាហ្សាវិញទៅ

ចុចអាន៖ អ៊ីស្រាអែល បើកការវាយប្រហារអាកាស លើមន្ទីរពេទ្យឥណ្ឌូណេស៊ី នៅ ហ្គាហ្សា