អ៊ីស្រាអែល សារភាពថា កងទ័ពរបស់ខ្លួនអសមត្ថភាព

ក្រោយរូបភាពនៃសោកនាដកម្មនៅតំបន់ហ្គាហ្សាស្ទ្រីបបានរីករាលដាលនៅក្នុងប្រព័ន្ធផ្សព្វផ្សាយពីមួយថ្ងៃទៅមួយថ្ងៃ អ៊ីស្រាអែលហាក់ដូចជាបាត់បង់ការគាំទ្រពីសាធារណៈជនអន្តរជាតិទូទាំងពិភពលោក ចំពេលការវាយប្រហាររបស់ខ្លួនប្រឆាំងនឹងតំបន់ហ្គាហ្សា ត្រូវបានថ្កោលទោស។

អ៊ីស្រាអែលយកចិត្តទុកដាក់យ៉ាងខ្លាំងចំពោះការគាំទ្រពីអន្តរជាតិសម្រាប់ការបន្តនៃការវាយប្រហារទៅលើតំបន់ហ្គាហ្សាស្រ្ទីប ដែលបានឈានចូលដល់ខែទីពីររបស់ពួកគេ ហើយបានព្យាករណ៍ថាជម្លោះនឹងបន្តអូសបន្លាយរយៈពេលយូរ ដោយសារតែអសមត្ថភាពនៃកងទ័ពរបស់ខ្លួនក្នុងការសម្រេចបាននូវគោលដៅដែលខ្លួនបានកំណត់។

ក្រោយការប៉ះទង្គិចគ្នានៅថ្ងៃទី ៧ ខែតុលា អ៊ីស្រាអែលបានប្រើខ្សែវីដេអូដែលបានថតនៅថ្ងៃដំបូងពីទីក្រុងអ៊ីស្រាអែលជុំវិញតំបន់ហ្គាហ្សាស្ទ្រីប ក្នុងការឃោសនាទៅកាន់សាធារណៈជនអន្តរជាតិ ដែលពេលនោះទទួលបានការគាំទ្រពីលោកខាងលិច ជាពិសេសសហរដ្ឋអាមេរិក។

ទោះបីជាយ៉ាងណាក៏ដោយ នៅពេលដែលរូបភាពនៃការបំផ្លិចបំផ្លាញ និងការសម្លាប់រង្គាលបានចាប់ផ្តើមលេចចេញពីតំបន់ហ្គាហ្សាស្ទ្រីប ការយកចិត្តទុកដាក់របស់សាធារណជនអន្តរជាតិបែរជាផ្តោតកាន់តែខ្លាំងទៅលើជនជាតិប៉ាឡេស្ទីន។ ក្នុង​បរិបទ​នេះ រដ្ឋធានី​អាមេរិក អឺរ៉ុប និង​មជ្ឈិមបូព៌ាហាក់ងាក​មកគាំទ្រប៉ាឡេស្ទីនវិញ ហើយចាប់ផ្ដើមបន្ទោសអ៊ីស្រាអែល៕

ប្រែសម្រួល៖ សន្យា

ប្រភព៖ Anadolu

ចុចអាន៖ សិស្សសាលាប៉ាឡេស្ទីនជាង ៣ពាន់នាក់ស្លាប់នៅក្នុងការវាយប្រហាររបស់អ៊ីស្រាអែលនៅហ្គាហ្សា