លោក Zelensky ទម្លាយថា គាត់រួចជីវិត ពីការប៉ុនប៉ងធ្វើឃាតរបស់រុស្ស៊ី ៦ដង

លោក Volodymyr Zelensky បានទម្លាយរឿងមួយថា គាត់បានរួចរស់ជីវិតពីការប៉ុនប៉ងធ្វើឃាតយ៉ាងហោចណាស់ប្រាំមួយដង ចាប់តាំងពីរុស្ស៊ី បើកការវាយលុកអ៊ុយក្រែនកាលពីឆ្នាំមុនមក ហើយអះអាងថា លោក Vladimir Putin កំពុងរៀបចំផែនការផ្លាស់ប្តូររបប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zelensky លើកឡើងថា ទីភ្នាក់ងារចារកម្មអ៊ុយក្រែន បានរារាំងការប៉ុនប៉ងសម្លាប់គាត់ម្តងហើយម្តងទៀត ចាប់តាំងពីការលុកលុយថ្ងៃទី ២៤ ខែកុម្ភៈ។

គាត់បានប្រាប់កាសែត The Sun ថា “ការប៉ុនប៉ងធ្វើឃាតលើកដំបូង គឺគួរឲ្យចាប់អារម្មណ៍ណាស់ ស្ថានភាពពេលនោះ ដូចជាជំងឺកូវីដ ១៩ ។ ដំបូងឡើយ មនុស្សទាំងអស់មិនដឹងថាត្រូវធ្វើអ្វីទេ ហើយវាមើលទៅគួរឲ្យខ្លាចណាស់”។

តាមការបញ្ជាក់ពីលោក Zelensky, វិមានក្រឹមឡាំងកំពុងរៀបចំផែនការផ្តួលរំលំគាត់ នៅមុនដំណាច់ឆ្នាំនេះ ក្នុងបេសកកម្មមួយដែលត្រូវបានគេដាក់ឈ្មោះថា “Maidan 3”។ Maidan 3 គឺសំដៅទៅបដិវត្ត Euromaidan ឆ្នាំ២០១៤ ដែលជំរុញឲ្យមានការកាត់បញ្ចូលឧបទ្វីបគ្រីមៀរបស់រុស្ស៊ី និងនាំឲ្យផ្ទុះសង្រ្គាម។

ប្រធានាធិបតីអ៊ុយក្រែន ក៏បានចោទប្រកាន់ទីក្រុងមូស្គូ ពីការដុតភ្លើងជុំវិញពិភពលោក និងនាំភពផែនដី ឲ្យឆ្ពោះទៅកាន់គែមនៃសង្រ្គាមលោកលើកទី៣ ជាមួយនឹងសង្រ្គាមដែលគ្មានច្បាប់ទម្លាប់និងព្រៃផ្សៃនៅក្នុងទ្វីបអឺរ៉ុបផងដែរ។

គាត់ចោទប្រកាន់ទៀតថា លោកពូទីន ក៏គាំទ្រការវាយប្រហាររបស់ក្រុមហាម៉ាសលើអ៊ីស្រាអែលផងដែរ​ ដោយលើកឡើងពីការពង្រឹងទំនាក់ទំនងរបស់រុស្ស៊ីជាមួយអ៊ីរ៉ង់ ដែលគាំទ្រក្រុមភេរវករ និងការផ្គត់ផ្គង់យន្តហោះគ្មានមនុស្សបើក kamikaze ដល់ទីក្រុងមូស្គូ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អាមេរិក ប្រកាសផ្តល់ជំនួយ យោធាឲ្យអ៊ុយក្រែន ១០០ លាន ដុល្លារ ទៀត