ថៃ គ្រោងអនុញ្ញាតឱ្យរៀបអាពាហ៍ពិពាហ៍ភេទដូចគ្នាដោយស្របច្បាប់

នាយករដ្ឋមន្ត្រីថៃ លោក សេតថា ថាវីស៊ីន បាននិយាយនៅថ្ងៃអង្គារ ទី២១ ខែវិច្ឆិកា ឆ្នាំ២០២៣ ថា គណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីសមភាពអាពាហ៍ពិពាហ៍ (អាពាហ៍ពិពាហ៍ភេទដូចគ្នា) ហើយវានឹងត្រូវបញ្ជូនទៅសភាក្នុងសម័យប្រជុំដែលនឹងចាប់ផ្តើមនៅខែធ្នូខាងមុខនេះ។

បច្ចុប្បន្នប្រទេសថៃមានសហគមន៍ស្រលាញ់ភេទដូចគ្នាដែលបើកចំហ និងអាចចាត់ទុកជាចំនួនច្រើនបំផុតនៅអាស៊ី ប៉ុន្តែសកម្មជននយោបាយជាច្រើននិយាយថា សមភាពអាពាហ៍ពិពាហ៍វាប្រឆាំងទៅប្រពៃណីរបស់ថៃ ព្រមទាំងអាចបណ្ដាលឱ្យមានការផ្លាស់ប្តូរអាកប្បកិរិយាសង្គម ហើយពួកគេនៅតែរើសអើងចំពោះអ្នកស្រឡាញ់ភេទដូចគ្នា និងគូស្នេហ៍ភេទដូចគ្នា។

ប្រសិនបើសេចក្តីព្រាងច្បាប់នេះត្រូវបានអនុម័តដោយសភា និងទទួលបានការយល់ព្រមពីព្រះមហាក្សត្រ នោះប្រទេសថៃនឹងក្លាយជាកន្លែងទី ៣ នៅអាស៊ី បន្ទាប់ពីតៃវ៉ាន់ និងនេប៉ាល់ដែលទទួលស្គាល់អាពាហ៍ពិពាហ៍ភេទដូចគ្នា។

តាមពិតកាលពីឆ្នាំមុន សភាធ្លាប់ពិភាក្សាលើច្បាប់សមភាពអាពាហ៍ពិពាហ៍ម្ដងរួចមកហើយ ប៉ុន្តែមិនបានមកបោះឆ្នោតសម្រេចយល់ព្រមឡើយ មុនពេលសម័យប្រជុំបានបញ្ចប់៕

ប្រែសម្រួល៖ សន្យា

ប្រភព៖ Reuters

ចុចអាន៖ ស្ត្រីឥណ្ឌាម្នាក់មានធ្មេញសរុបចំនួន ៣៨ ជាប់កំណត់ត្រាពិភពលោកហ្គីណេស