បុរស​ម្នាក់បន្លំ​ប្តូរ​ចិញ្ចៀន​ពេជ្រ​តម្លៃ​ជាង ៣០ ម៉ឺនដុល្លារ នៅសិង្ហបុរី

កាលពីថ្ងៃចន្ទ ទី២០ ខែវិច្ឆិកា មានបុរសអាយុ ៤៣ ឆ្នាំម្នាក់បន្លំ​ប្តូរ​ចិញ្ចៀន​ពេជ្រ​តម្លៃ​ ៣១៨,០០០ ម៉ឺនដុល្លារ ជាមួយចិញ្ចៀនក្លែងក្លាយ នៅហាងគ្រឿងអលង្ការក្នុងប្រទេសសិង្ហបុរី ។

ហេតុការណ៍នេះដែរ បុគ្គលិកហាងពេជ្របានជូនដំណឹងដល់ប៉ូលិសនៅថ្ងៃចន្ទ វេលាម៉ោង ១ និង ១៥ នាទីរសៀល ហើយចាប់ខ្លួនបុរសនោះភ្លាមៗតែម្ដង ។

ការ​ស៊ើបអង្កេត​បឋម​​បង្ហាញ​ថា បុរស​ខាងលើ​បាន​សម្ដែងធ្វើជាចង់​ទិញ​ចិញ្ចៀន​ពេជ្រ ខណៈពេលដែលកាន់វានៅក្នុងដៃឆ្វេងរបស់គាត់ រួចប្ដូរវាជាមួយរបស់ក្លែងក្លាយ ពេលបុគ្គលិកបែរទៅមើលគ្រឿងអលង្ការផ្សេងទៀត ។

ក្រោយមកបុគ្គលិកហាងលក់គ្រឿងអលង្ការបានសង្កេតឃើញស្លាកតម្លៃនៃចិញ្ចៀនមានភាពខុសប្លែកពីគេ ដូច្នេះគាត់ក៏ជូនដំណឹងដល់សន្តិសុខក្នុងផ្ទះ ដើម្បីឃាត់ខ្លួនបុរសនោះ ហើយរកឃើញចិញ្ចៀនពេជ្រមែន ។

សូមជម្រាបថា បុរសជនសង្ស័យឡើងតុលាការនៅថ្ងៃពុធ ទី២២ ។ បើត្រូវ​​ផ្តន្ទាទោស គាត់​អាច​ប្រឈម​នឹង​ការ​ជាប់​ពន្ធនាគារ​រហូត​ដល់ ១០ ឆ្នាំ និង​ពិន័យ​ជា​ប្រាក់ផងដែរ ៕

ប្រែសម្រួល៖ វារី

ប្រភព៖ asianone

ចុចអាន៖ ល្បិចបោកថ្មី លក់ពេជ្រក្លែងក្លាយបានលុយ ៤០ ម៉ឺនរៀល គេចខ្លួនបាត់ស្រមោល