ព័ត៌មានអន្ដរជាតិ

ចិន និងប្រទេសអាស៊ាន ៣ ទៀតចាប់ផ្ដើមប្រតិបត្តិការល្បាតរួមគ្នាតាមដងទន្លេមេគង្គលើកទី ១៣៥

បានផុស

១ year មុន

នៅ

ថ្ងៃពុធ ២២ វិច្ឆិកា ២០២៣

ដោយ

នាយកដ្ឋានសន្តិសុខសាធារណៈខេត្ត Yunnan បាននិយាយថា មន្ត្រីព្រំដែនមកពីប្រទេសចិន និងប្រទេសអាស៊ានចំនួន ៣ ទៀតដូចជា ឡាវ មីយ៉ាន់ម៉ា និងថៃកាលពីថ្ងៃអង្គារបានរួមកម្លាំងគ្នាចាប់ផ្តើមប្រតិបត្តិការល្បាតតាមដងទន្លេមេគង្គលើកទី ១៣៥ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាវាចិនចំនួន ២ គ្រឿងដែលចូលរួមក្នុងប្រតិបត្តិការល្បាតរួមគ្នានេះ បានចាកចេញពីកំពង់ផែ Guanlei ក្នុងតំបន់ស្វយ័ត Xishuangbanna Dai នៃខេត្ត Yunnan ភាគនិរតីនៃប្រទេសចិនកាលពីព្រឹកថ្ងៃអង្គារ ។

ស្របពេលជាមួយគ្នានេះ កងនាវានៃកងកម្លាំងព្រំដែនចំនួន ៧ គ្រឿងមកពីប្រទេសទាំង ៤ ត្រូវបានបញ្ជូនទៅកាន់តំបន់នៃការប្រយុទ្ធប្រឆាំងនឹងឧក្រិដ្ឋកម្មឆ្លងដែនជាច្រើនប្រភេទនៅអាងទន្លេមេគង្គ ក្នុងគោលបំណងដើម្បីរក្សាសន្តិសុខ និងស្ថិរភាពក្នុងតំបន់ ។

ក្នុងអំឡុងពេលល្បាតនោះ ក្រុមការងារចម្រុះមកពីប្រទេសទាំង ៤ នឹងធ្វើសមយុទ្ធរុករក និងជួយសង្គ្រោះនៅតាមដងទន្លេក្នុងទីក្រុង Muang Mo ប្រទេសឡាវ ដើម្បីស្វែងយល់ពីវិធីដោះស្រាយស្ថានភាពអាសន្នប្រកបដោយប្រសិទ្ធភាព ខណៈអាជ្ញាធរចិនក៏នឹងបញ្ជូនក្រុមគ្រូពេទ្យទៅផ្តល់ការព្យាបាលដោយមិនគិតថ្លៃផងដែរ ។

គួរបញ្ជាក់ថា ទន្លេមេគង្គដែលត្រូវបានគេស្គាល់ជាទន្លេ Lancang ក្នុងប្រទេសចិន គឺជាផ្លូវទឹកដ៏សំខាន់សម្រាប់ការដឹកជញ្ជូនឆ្លងកាត់ព្រំដែន ខណៈប្រទេសចិន ឡាវ មីយ៉ាន់ម៉ា និងថៃ បានអនុវត្តការល្បាតរួមគ្នាតាមដងទន្លេមួយនេះ ចាប់តាំងពីខែធ្នូ ឆ្នាំ ២០១១ មកម្ល៉េះ ៕