ប៉េរូ រកឃើញសាកសពម៉ាំមីកុមារ មានអាយុកាល ១ពាន់ឆ្នាំ

ក្រុមអ្នកបុរាណវិទូប្រទេសប៉េរូបានរកឃើញសាកសពម៉ាំមីចំនួន ៤ ពីកន្លែងដែលធ្លាប់ប្រារព្ធពិធីសាសនា ហើយវាត្រូវបានគេជឿថាមានអាយុកាលយ៉ាងហោចណាស់ ១,០០០ឆ្នាំ ដែលពេលនេះកំពុងស្ថិតនៅក្នុងសង្កាត់ចាស់បំផុតមួយនៃទីក្រុងលីម៉ា។

ក្រុមអ្នកស្រាវជ្រាវជឿថា សាកសពម៉ាំមីកុមារដែលត្រូវបានរកឃើញ កាលពីថ្ងៃចន្ទ ទី២០ ខែវិច្ឆិកា ឆ្នាំ២០២៣ ជាឆ្អឹងមនុស្សដែលបន្សល់ទុកមកពីវប្បធម៌ Ychsma ដែលធ្លាប់រីកចម្រើននៅលើឆ្នេរសមុទ្រកណ្តាលរបស់ប្រទេសប៉េរូ កាលពីប៉ុន្មានពាន់ឆ្នាំមុន។

លោក Luis Takuda អ្នកបុរាណវត្ថុវិទូនៅទីក្រុងលីម៉ា ប្រាប់ថា ទីតាំងប្រាសាទដែលបានរកឃើញម៉ាំមី ទំនងជាត្រូវបានសាងសង់តាំងពី ៣,៥០០ឆ្នាំមុនមកម្ល៉េះ ខណៈតំបន់ទាំងមូលនៃប្រាសាទជាកន្លែងធ្លាប់ប្រារព្ធពិធីពិសិដ្ឋនាបុរាណកាល ដូច្នេះទើបបានជាគេ​បញ្ចុះ​អ្នក​ស្លាប់​នៅ​ទី​នេះ។ ដោយឡែកលលាដ៍ក្បាលរបស់ម៉ាំមីនៅតែមានសក់នៅឡើយ ចំណែកឆ្អឹងត្រូវ​បាន​គេ​រក​ឃើញ​នៅ​ក្បែរ​សេរ៉ាមិច៕

ប្រែសម្រួល៖ សន្យា

ប្រភព៖ CNA

ចុចអាន៖ គ្រូពេទ្យប្រទះឃើញរុយនៅក្នុងពោះវៀនធំបុរសអាមេរិកម្នាក់យ៉ាងអាថ៌កំបាំង

ចុចអាន៖ អ្នកវិទ្យាសាស្ត្រលាតត្រដាងការពិតពី សាកសពមច្ឆា នៅប្រទេសជប៉ុន