ព័ត៌មានអន្ដរជាតិ

អាងចម្រោះទឹកស្អាតមួយកន្លែង នៅសហរដ្ឋអាមេរិក ត្រូវក្រុមអ្នកវាយប្រហារ ដាក់សារធាតុគីមីចូល

បានផុស

៤ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

អាជ្ញាធរនៅទីក្រុង Oldsmar នៃរដ្ឋ Florida សហរដ្ឋអាមេរិក កាលពីម្សិលមិញនេះ បានធ្វើសេចក្ដីរាយការណ៍ទាក់ទងទៅនឹងជនអនាមិក ដែលបានធ្វើការវាយប្រហារទៅលើប្រព័ន្ធកុំព្យូទ័ររបស់ទីតាំងអាងចម្រោះទឹកស្អាតមួយកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារបានកើតឡើងចំនួនពីរលើក នៅថ្ងៃទី៥ ខែកុម្ភៈ កន្លងទៅនេះ។ លើកទីមួយក្រុមជនអនាមិក បានចូលទៅក្នុងប្រព័ន្ធកុំព្យូទ័រនៅម៉ោង៨ព្រឹក ប៉ុន្តែពួកគេបាននៅក្នុងប្រព័ន្ធកុំព្យូទ័រតែរយៈពេល ១ទៅ២វិនាទីតែប៉ុណ្ណោះ។ ការជ្រៀតចូលលើកទីពីរ បានកើតឡើងនៅម៉ោង១និង៣០នាទីរសៀល ហើយពួកគេបានចំណាយពេល៥នាទី និងបានធ្វើការផ្លាស់ប្ដូរការកំណត់មួយចំនួននៅក្នុងប្រព័ន្ធកុំព្យូទ័រ ដោយបន្ថែមនូវសារធាតុគីមី Sodium hydroxide ចំនួន ១១១ដងច្រើនជាងការកំណត់ ដែលនេះអាចធ្វើឲ្យប៉ះពាល់ដល់សុខភាពរបស់អ្នកប្រើប្រាស់។

ទោះបីជាយ៉ាងណាក្ដី អាជ្ញាធរក៏បានប្រាប់ឲ្យដឹងផងដែរថា ពួកគេបានចាត់វិធានការទាន់ពេលវេលា ដោយធ្វើការផ្លាស់ប្ដូរចំនួនសារធាតុគីមីឲ្យមានការកំណត់ដូចដើម ហើយក៏ពុំមានទឹកដែលមានសារធាតុគីមីលើសកំណត់ ត្រូវបានផ្ដល់ទៅឲ្យអ្នកប្រើប្រាស់នោះទេ។ គួរបញ្ជាក់ផងដែរថា កាលពីឆ្នាំ២០១៥ ក៏មានការវាយប្រហារទៅលើទីតាំងអាងចម្រោះទឹកមួយទៀតនៅសហរដ្ឋអាមេរិកផងដែរ ប៉ុន្តែពេលនោះជនអនាមិកពុំមានចំណេះដឹង ក្នុងការផ្លាស់ប្ដូរសារធាតុគីមីដូចពេលនេះទេ៕

ប្រភព៖ នគរបាលប្រឆាំងបទល្មើសបច្ចេកវិទ្យា

សូមចុចអាន៖ Facebook លុបគណនីផ្សាយព័ត៌មានមិនពិតប្រឆាំងវ៉ាក់សាំង

Related Topics:សហរដ្ឋអាមេរិក