ព័ត៌មានអន្ដរជាតិ

ស្ត្រីវៀតណាមវ័យ ៣៧ឆ្នាំ មានកូនដល់ទៅ ៧ នាក់ តែសម្រស់នាងបែរធ្វើឲ្យគេភ្ញាក់ផ្អើល

បានផុស

១០ ខែ មុន

នៅ

ថ្ងៃព្រហស្បតិ៍ ២៣ វិច្ឆិកា ២០២៣

ដោយ

គេហទំព័រ Saostar បានរាយការណ៍អំពីរឿងរ៉ាវរបស់ Vu Hong Phuc ដែលជាម្តាយវ័យក្មេងដ៏ល្បីល្បាញរបស់វៀតណាម តែមិនមែនជាតារានៅក្នុងឧស្សាហកម្មកម្សាន្តទេ។ ប៉ុន្តែនាងមានភាពល្បីល្បាញដោយមានការប្រមូលទិញកាបូបម៉ាកប្រណិតមានតម្លៃរាប់រយពាន់លានដុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ នាងក៏មានអាពាហ៍ពិពាហ៍ដ៏ល្អឥតខ្ចោះមួយ ដោយមានស្វាមីជាអ្នកមាន និងសង្ហាផងដែរ ដែលធ្វើឲ្យនាងទទួលបានការចាប់អារម្មណ៍ និងតាមដានយ៉ាងច្រើននៅលើបណ្តាញសង្គម។ បន្ថែមពីលើភាពល្អឥតខ្ចោះនៅក្នុងជីវិតគ្រួសារ រឿងមួយទៀតដែលមនុស្សស្រីគ្រប់គ្នាច្រណែននឹង Vu Hong Phuc ពោលគឺនាងមានសម្រស់ស្រស់ស្អាត បើទោះជានាងមានអាយុ៣៧ឆ្នាំ និងសម្រាលកូនដល់ទៅ៧នាក់ ថែមទាំងនៅតែរក្សាបានរាង រួមទាំងមុខ និងស្បែកដែលស្រស់ស្អាត ភ្លឺថ្លាមើលទៅក្មេងជាងវ័យ។

អាថ៌កំបាំងធ្វើឲ្យរាងស្អាតវិញក្រោយសម្រាលកូន Vu Hong Phuc បាននិយាយថា នាងជ្រើសរើសញ៉ាំអាហារសម្បូរវីតាមីន។ បំពេញរាងកាយជាមួយនឹងសារធាតុចិញ្ចឹមគ្រប់គ្រាន់។ ធ្វើលំហាត់ប្រាណថ្នមៗជារៀងរាល់ថ្ងៃ ហើយប្រើថ្នាំបំប៉នផ្សេងទៀត។

ថ្មីៗនេះ ក្រោយសម្រាលបានកូនទី៧កាលពីពាក់កណ្តាលខែតុលាមិនដល់មួយខែផង នាងបានបង្កើតឲ្យមានការភ្ញាក់ផ្អើលដល់នារីៗជាខ្លាំង ព្រោះរូបរាងរបស់នាងត្រឡប់មកស្រស់ស្អាតរាងស្រឡូនវិញ ។ វាដូចជានាងមិនធ្លាប់មានផ្ទៃពោះពីមុនមកយ៉ាងដូច្នោះ។

អ្នកម្ដាយកូន៧នាក់នេះបានចែករំលែកថា “ដោយសារខ្ញុំជាម្តាយដែលមានកូនប្រាំពីរនាក់ ខ្ញុំមានអារម្មណ៍ទទួលខុសត្រូវច្រើនជាង ហើយទំនួលខុសត្រូវដ៏ធំបំផុតរបស់ខ្ញុំគឺថែរក្សាសុខភាព និងមើលថែកូនឲ្យបានល្អ។ ព្រោះឪពុកម្តាយជាគំរូសម្រាប់កូន។ ដូច្នេះខ្ញុំព្យាយាមស្រឡាញ់សុខភាពរបស់ខ្ញុំ ទាំងការហាត់ប្រាណ និងការចិញ្ចឹមបីបាច់ នោះកូនៗនឹងធ្វើតាមការដឹកនាំរបស់ឪពុកម្តាយ”៕