អ៊ីស្រាអែល វាយប្រហារសាលារៀននៅហ្គាហ្សា សម្លាប់មនុស្ស៣០នាក់ របួស១០០នាក់

ក្រុមហាម៉ាសនិយាយថា មនុស្សយ៉ាងតិច ៣០ នាក់បានស្លាប់ និង ១០០ នាក់ទៀតរងរបួសក្នុងការវាយប្រហារអាកាសរបស់អ៊ីស្រាអែលលើសាលារៀនមួយកន្លែងដែលគ្រប់គ្រងដោយអង្គការសហប្រជាជាតិនៅភាគខាងជើងតំបន់ហ្គាហ្សាស្ទ្រីប កាលពីល្ងាចថ្ងៃព្រហស្បតិ៍ ទី២៣ ខែវិច្ឆិកា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហាម៉ាសនិយាយក្នុងសេចក្តីថ្លែងការណ៍មួយថា ការវាយប្រហារនេះបានផ្តោតលើសាលា Abu Hussein ដែលឧបត្ថម្ភដោយទីភ្នាក់ងារជំនួយ និងកិច្ចការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា (UNRWA) ក្នុងតំបន់ជំរំជនភៀសខ្លួន Jabalia។

ការវាយប្រហារនេះ កើតឡើងប៉ុន្មានម៉ោងប៉ុណ្ណោះ មុនពេលការផ្អាកបាញ់មនុស្សធម៌ នឹងចាប់អនុវត្តរវាងអ៊ីស្រាអែល និងក្រុមហាម៉ាសនៅតំបន់ហ្គាហ្សាស្ទ្រីប ប៉ុន្តែទោះបីជាយ៉ាងណាក៏ដោយ មិន​ទាន់​មាន​ការ​អត្ថាធិប្បាយណាមួយ ​ពី​កងទ័ព​អ៊ីស្រាអែល​នៅ​ឡើយ​ទេ ​។

សូមបញ្ជាក់ថា អ៊ីស្រាអែល បានបើកការវាយប្រហារតាមផ្លូវអាកាស និងដីគោកឥតឈប់ឈរលើតំបន់ហ្គាហ្សាស្ទ្រីប បន្ទាប់ពីការវាយឆ្មក់ឆ្លងដែនដោយក្រុមហាម៉ាសកាលពីថ្ងៃទី៧ ខែតុលា ដោយសម្លាប់ប្រជាជនប៉ាឡេស្ទីនជាង ១៤,៨៥៤ នាក់ រួមទាំងកុមារ ៦,១៥០ នាក់ និងស្ត្រីជាង ៤,០០០ នាក់ផងដែរ ខណៈចំនួនអ្នកស្លាប់នៅខាងអ៊ីស្រាអែលវិញ មានប្រហែល ១,២០០នាក់ ៕

ប្រែសម្រួល៖ Vann Vann

ប្រភព៖ Anadolu

ចុចអាន៖ អ៊ីស្រាអែល និងក្រុមហាម៉ាស ប្រកាសច្បាំងសង្គ្រាមរយៈពេលវែង ក្រោយបទឈប់បាញ់