ព័ត៌មានអន្ដរជាតិ

ស្ត្រីអាយុ ១០៤ឆ្នាំ ទម្លាយអាថ៌កំបាំងនៃសុខភាពល្អ មិនមែនជាការហាត់ប្រាណជាប្រចាំឡើយ

បានផុស

១ year មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

សាង ស្រីល័ក្ខ

រក្សាទម្លាប់នេះតាំងពីនាងនៅក្មេង ស្ត្រីអាយុ ១០៤ ឆ្នាំនៅប្រទេសចិននៅតែមានសុខភាពល្អ មិនមានជំងឺសរសៃឈាមបេះដូងទេ។

នៅខេត្ត Shandong ប្រទេសចិន មានលោកស្រី Luong ដែលភូមិផងរបងតែងហៅគាត់ថា ស្ត្រីចំណាស់ភ្លេចពេលវេលា។ ឆ្នាំនេះលោកយាយ Luong មានអាយុ១០៤ឆ្នាំហើយ ប៉ុន្តែនៅមានសុខភាពល្អនិងមាំទាំជានិច្ច។ មិនត្រឹមតែប៉ុណ្ណឹងទេ គ្រូពេទ្យក៏បានប្រាប់ដែរថា បើទោះជាលោកយាយមានអាយុជាង១០០ឆ្នាំហើយក៏ដោយ ប៉ុន្តែសរសៃឈាមរបស់លោកយាយនៅតែមានសុខភាពល្អទាំងស្រុង សម្ពាធឈាមរបស់គាត់គឺធម្មតា ហើយអាយុសរសៃឈាមរបស់គាត់គឺស្មើនឹងមនុស្សក្នុងវ័យ៦០ឆ្នាំ។ មនុស្សគ្រប់គ្នាចង់ដឹងចង់ឃើញអំពីអាថ៌កំបាំងរបស់ស្ត្រីចំណាស់នេះចំពោះ ភាពស្រស់ថ្លា និងអាយុវែង។

ចែករំលែកជាមួយអ្នកគ្រប់គ្នា លោកយាយវ័យ១០៤ឆ្នាំ បាននិយាយថា គាត់មានទម្លាប់តាំងពីតូចមកម្ល៉េះ។ អាស្រ័យហេតុនេះ ស្ត្រីចំណាស់ម្នាក់នេះតែងតែបន្ថែមទឹកខ្មេះទៅក្នុងដំណើរការចម្អិនអាហាររបស់គាត់។ អ្នកស្រី Luong បាននិយាយថា រាល់ពេលដែលគាត់ហូបនំប៉ាវ និងចម្អិនគុយទាវ គាត់តែងតែបន្ថែមទឹកខ្មេះ ដើម្បីធ្វើឲ្យម្ហូបកាន់តែមានរសជាតិ និងឆ្ងាញ់។ មិនត្រឹមតែប៉ុណ្ណោះ គាត់ក៏បានបន្ថែមទឹកខ្មេះបន្តិចទៅក្នុងទឹកស្ងោរនៅពេលព្រឹក និងល្ងាច។

អ្នកជំនាញបាននិយាយថា នៅពេលធ្វើការស្រាវជ្រាវ និងការស្ទង់មតិនៅតំបន់ដែលមានអាយុវែងនៅជុំវិញពិភពលោក ពួកគេបានរកឃើញថាអ្នករស់នៅលើដីទាំងនេះតែងតែទទួលទានអំបិលតិច និងប្រើប្រាស់ទឹកខ្មេះច្រើន។ នេះប្រហែលជាអាថ៌កំបាំងក្នុងការជួយពួកគេពន្យារអាយុជីវិតរបស់ពួកគេ។

ដូច្នោះហើយ សារធាតុរ៉ែប៉ូតាស្យូមក្នុងទឹកខ្មេះអាចកម្ចាត់ជាតិសូដ្យូមលើសចេញពីរាងកាយ ការពារ និងព្យាបាលសម្ពាធឈាមឡើងខ្ពស់ ជំងឺសរសៃឈាមបេះដូង ជំងឺដាច់សរសៃឈាមខួរក្បាល និងជំងឺផ្សេងៗទៀត។ មិនត្រឹមតែប៉ុណ្ណោះ វាក៏មានអត្ថប្រយោជន៍ច្រើនសម្រាប់មុខងារបន្សាបជាតិពុលរបស់ថ្លើម អាចការពារជំងឺមហារីក និងជំងឺរ៉ាំរ៉ៃរបស់មនុស្សចាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះជាអត្ថប្រយោជន៍សុខភាពដ៏អស្ចារ្យដែលគ្រឿងទេសនេះនាំមកជូន៖

១ កាត់បន្ថយសម្ពាធឈាម ទិន្នន័យស្រាវជ្រាវមួយចំនួនបានរកឃើញថា ការទទួលទានទឹកខ្មេះមួយស្លាបព្រាជារៀងរាល់ថ្ងៃ អាចជំរុញកោសិកាសរសៃឈាមរបស់រាងកាយឲ្យបញ្ចេញសារធាតុ nitric oxide ដែលអាចពង្រីកសរសៃឈាម និងធានាបាននូវលំហូរឈាមដោយរលូន ដែលវាជួយកាត់បន្ថយសម្ពាធឈាម។

២ គ្រប់គ្រងកម្រិតជាតិស្ករក្នុងឈាម ការសិក្សាមួយនៅសហរដ្ឋអាមេរិកបង្ហាញថា ការទទួលទានទឹកខ្មេះ ៣០ml ជាមួយនឹងមាតិកាអាស៊ីតអាសេទិក ៦% ៥ នាទីមុនពេលញ៉ាំអាហារមិនត្រឹមតែអាចកាត់បន្ថយកម្រិតជាតិស្ករក្នុងឈាម អាំងស៊ុយលីន និងទ្រីគ្លីសេរីតប៉ុណ្ណោះទេ ថែមទាំងបន្ថយការស្រូបយកជាតិស្ករក្នុងពោះវៀន និងជួយកាត់បន្ថយ ជាតិស្ករក្នុងឈាម។ អ្នកដែលមានជំងឺទឹកនោមផ្អែមគួរតែពិគ្រោះជាមួយគ្រូពេទ្យមុនពេលប្រើគ្រឿងទេសនេះដើម្បីគ្រប់គ្រងអាំងស៊ុយលីន។

៣ ជួយបង្កើនការស្រូបយកជាតិកាល់ស្យូម ការប្រើប្រាស់ទឹកខ្មេះបន្តិចក្នុងកម្រិតមធ្យមក៏ជួយលើកកម្ពស់ការស្រូបយកជាតិកាល់ស្យូមដែលមានប្រយោជន៍ខ្លាំងណាស់សម្រាប់ឆ្អឹង។ មូលហេតុគឺដោយសារតែទឹកខ្មេះអាចរំលាយជាតិកាល់ស្យូមដែលមាននៅក្នុងរាងកាយសត្វ ប៉ុន្តែមានតែជាតិកាល់ស្យូមដែលរំលាយប៉ុណ្ណោះដែលអាចស្រូបយកបានដោយពោះវៀនតូចរបស់មនុស្ស។ ដូច្នេះហើយ នៅពេលរៀបចំអាហារសត្វ ដូចជាឆ្អឹងជំនី និងទា អ្នកគួរតែបន្ថែមទឹកខ្មេះបន្តិច ដើម្បីជួយឲ្យរាងកាយស្រូបយកជាតិកាល់ស្យូមបានល្អប្រសើរ។

៤ កាត់បន្ថយរូបរាងនៃក្រួសក្នុងតម្រងនោម ការប្រើប្រាស់ទឹកខ្មេះ អាចជួយការពារការបង្កើតគ្រួសក្នុងកាល់ស្យូម oxalate ។ ការសិក្សាឆ្នាំ ២០១៩ បានរកឃើញថា អាស៊ីតអាសេទិកនៅក្នុងទឹកខ្មេះជួយគ្រប់គ្រង citrate និងកាល់ស្យូមនៅក្នុងទឹកនោម ទាំងកាល់ស្យូម និង citrate ជួយការពារគ្រួសក្នុងតម្រងនោមពីការកកើត។

៥ ការពារមេរោគ នៅក្នុងឱសថបុរាណចិន ទឹកខ្មេះត្រូវបានគេចាត់ទុកថាជាថ្នាំសំលាប់មេរោគធម្មជាតិដែលមានសមត្ថភាពទប់ស្កាត់បាក់តេរីយ៉ាងខ្លាំងក្លា សម្លាប់ staphylococcus pyogenes និងបាក់តេរីដទៃទៀតក្នុងរយៈពេលដ៏ខ្លី។ នេះជួយការពារការឆ្លងមេរោគពោះវៀនដូចជា គ្រុនពោះវៀន និងជំងឺមួល។ ការប្រើប្រាស់ទឹកខ្មេះច្រើនក្នុងរដូវក្តៅអាចមានប្រសិទ្ធភាពសម្លាប់បាក់តេរី និងសម្លាប់មេរោគ ការពារការឆ្លងបាក់តេរីក្នុងក្រពះពោះវៀនយ៉ាងមានប្រសិទ្ធភាព។

៦ ជួយរំលាយអាហារ ការសិក្សាជាច្រើនបានបង្ហាញថា ទឹកខ្មេះមានសមត្ថភាពធ្វើឲ្យប្រព័ន្ធរំលាយអាហារប្រសើរឡើង។ ដូច្នោះហើយ ទឹកខ្មេះមានផ្ទុកនូវសារធាតុងាយនឹងបង្កជាហេតុ និងអាស៊ីតអាមីណូ ដែលរំញោចមជ្ឈមណ្ឌលសរសៃប្រសាទរបស់ខួរក្បាល ធ្វើឲ្យសរីរាង្គរំលាយអាហារបញ្ចេញនូវបរិមាណដ៏ច្រើននៃសារធាតុរាវរំលាយអាហារ បង្កើនមុខងាររំលាយអាហារ និងធ្វើឲ្យសុខភាពប្រសើរឡើង៕

ប្រែសម្រួល៖ សាង ស្រីល័ក្ខ

ប្រភព៖cafebiz

ចុចអាន៖ស្ត្រីវៀតណាមវ័យ ៣៧ឆ្នាំ មានកូនដល់ទៅ ៧ នាក់ តែសម្រស់នាងបែរធ្វើឲ្យគេភ្ញាក់ផ្អើល