ព័ត៌មានអន្ដរជាតិ

ស្រ្តីអង់គ្លេសម្នាក់ស្លាប់ដោយសារផឹកទឹក ក្នុងពេលដែលគ្រូពេទ្យរវល់ចុចទូរស័ព្ទ

បានផុស

១ year មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

ស្រ្តីជនជាតិអង់គ្លេសម្នាក់បានស្លាប់ភ្លាមៗដោយសារតែផឹកទឹកច្រើន ពេលចូលសម្រាកពេទ្យ។ ក្រោយការពិនិត្យបានរកឃើញថា គិលានុបដ្ឋាយិកាកំពុងរវល់លេងទូរស័ព្ទដៃ ហើយមិនយកចិត្តទុកដាក់ចំពោះអ្នកជំងឺ។

នៅថ្ងៃទី២៣ ខែវិច្ឆិកា គេហទំព័រ Daily Mail បានរាយការណ៍ថា Michelle Whitehead ដែលជាស្រ្តីជនជាតិអង់គ្លេសមានកូនពីរនាក់បានស្លាប់ភ្លាមៗ បន្ទាប់ពីផឹកទឹកច្រើនពេក ពេលកំពុងសម្រាកព្យាបាលនៅមន្ទីរពេទ្យនៅ Nottinghamshire ដោយសារតែនាងបង្ហាញសញ្ញានៃការថប់បារម្ភ និងឆាប់ខឹង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងពេលដែលនាងនៅក្នុងមន្ទីរពេទ្យសម្រាកព្យាបាលជំងឺ ស្រ្តីមានកូនពីររូបនេះបានផឹកទឹកច្រើន មុនពេលធ្លាក់ចូលទៅក្នុងស្ថានភាពសន្លប់។ ក្រោយមកទើបខាងមន្ទីពេទ្យប្រកាសថានាងបានបាត់បង់ជីវិតហើយ។

ទោះបីជាយ៉ាងណាក៏ដោយ ការស៊ើបអង្កេតរបស់សេវាសុខភាពសាធារណៈ Nottinghamshire (NHS) បានកំណត់ថា តាមពិតឧប្បត្តិហេតុអាចបញ្ចៀសបាន ប្រសិនបើគិលានុបដ្ឋាយិកាយកចិត្តទុកដាក់បន្ថែមទៀតអំពីអ្នកជំងឺ ខណៈតាមការស៊ើបអង្កេតបានរកឃើញថា គិលានុបដ្ឋាយិកាកំពុងលេងទូរសព្ទ ទើបបណ្ដាលឲ្យរឿងនេះកើតឡើង ទោះបីជាទូរស័ព្ទចល័តត្រូវបានហាមឃាត់នៅក្នុងបន្ទប់អ្នកជំងឺក៏ដោយ ។

មន្ត្រីជំនាញដែលធ្វើការស៊ើបអង្កេតនេះក៏បាននិយាយថា អ្នកស្លាប់បានផឹកទឹកច្រើន ។ ប៉ុន្តែដោយសារគិលានុបដ្ឋាយិកាដែលបំពេញកាតព្វកិច្ចមិនបានមើលថែ គេមិនដឹងថាតើអ្នកស្លាប់បានផឹកទឹកប៉ុន្មានក្នុងអំឡុងពេល១០នាទីដែលគិលានុបដ្ឋាយិកាកំពុងបំពេញបេសកកម្មនោះទេ។ លោកក៏បានសម្តែងការព្រួយបារម្ភថា បើមិនមានការកែតម្រូវទេ អាចនឹងមានមនុស្សស្លាប់ច្រើនជាងនេះ។

យ៉ាងណាមិញ ស្វាមីរបស់សពបានផ្ដល់បទសម្ភាសន៍ថា ប្រពន្ធគាត់នឹងនៅមានជីវិត ប្រសិនបើក្រុមគ្រូពេទ្យមើលថែភរិយាគាត់បានល្អជាងនេះ ប៉ុន្តែទម្រាំដល់ពេលដែលមន្ត្រីដឹងថាមានអ្វីខុសឆ្គងនោះ វាហួសពេលទៅហើយ។

បើយោងតាមការិយាល័យអាហារូបត្ថម្ភបញ្ចាក់ថា ការពុលទឹកគឺបណ្តាលមកពីការផឹកទឹកច្រើនពេក បណ្តាលឲ្យមានជាតិទឹកច្រើននៅក្នុងឈាម និង hyponatremia dilutional ដែលធ្វើឲ្យឈឺក្បាល រមួលក្រពើ ប្រកាច់ ឬខ្សោយសាច់ដុំ ក្អួតចង្អោរ ហើម និងប៉ះពាល់ដល់កោសិកាខួរក្បាល ដែលអាចមានគ្រោះថ្នាក់ និងឈានដល់ការស្លាប់ចំពោះក្រុមដែលមានហានិភ័យខ្ពស់នៃការពុលទឹក ៕