ព័ត៌មានអន្ដរជាតិ

២ឆ្នាំខាងមុខ BRICS អាចទទួលបានសមាជិកថ្មីមួយទៀត

បានផុស

១ year មុន

នៅ

ថ្ងៃសៅរ៍ ២៥ វិច្ឆិកា ២០២៣

ដោយ

នីហ្សេរីយ៉ា មានបំណងក្លាយជាសមាជិកនៃក្រុមប្រទេស BRICS ក្នុងរយៈពេលពីរឆ្នាំខាងមុខ។ នេះបើតាមសម្តីរដ្ឋមន្ត្រីការបរទេសលោក Yusuf Tuggar។

រដ្ឋមន្ត្រីការបរទេសនីហ្សេរីយ៉ា លោក Yusuf Tuggar (រូបថត៖ DP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tuggar បញ្ជាក់ថា នេះគឺជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលនីហ្សេរីយ៉ា ក្នុងការធានាឲ្យមានតំណាងនិងបង្ហាញឥទ្ធិពលនៅលើឆាកសកល។ ប្រទេសអាហ្វ្រិកខាងលិចមួយនេះ បើកចំហក្នុងការចូលរួមជាមួយសម្ព័ន្ធភាពណាមួយ ជាមួយគោលដៅស្ថាបនា។

យោងតាមអ្នកការទូតដដែល “ប្រទេសនីហ្សេរីយ៉ា បានឈានចូលដល់យុគសម័យ ដើម្បីសម្រេចចិត្តដោយខ្លួនឯងថាតើដៃគូរបស់ខ្លួនគួរជានរណា និងកន្លែងណាដែលខ្លួនគួរនៅ”។

សូមបញ្ជាក់ បច្ចុប្បន្ន ក្រុមនៃប្រទេសសេដ្ឋកិច្ចរីកចម្រើនធំៗនេះមានដូចជាប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង។

ចំណែកឯអាហ្សង់ទីន អេហ្ស៊ីប អេត្យូពី អ៊ីរ៉ង់ អារ៉ាប៊ីសាអូឌីត និងអារ៉ាប់រួម សុទ្ធតែត្រូវបានអញ្ជើញឲ្យចូលរួមជាមួយ BRICS កាលពីខែសីហាហើយ ប្រទេសទាំងប្រាំមួយនេះ នឹងចូលជាសមាជិកផ្លូវការនៅខែមករាឆ្នាំ២០២៤៕

ប្រែសម្រួល៖ Vann Vann

ប្រភព៖ RT

ចុចអាន៖ មេដឹកនាំ BRICS យល់ព្រមពង្រីក សមាជិកភាពនៅក្នុងកិច្ចប្រជុំកំពូល